Local news

දුම්රිය ප්‍රවේශ පත්‍ර මඟින් තම රාජකාරි බලා නුවර සිට කොළඹ සහ කුරුණෑගල සිට කොළඹ දක්වා යන මඟීන් වෙනුවෙන් හෙට (08) සිට විශේෂ බස් රථ සේවාවක් ක්‍රියාත්මක කරන බව ප්‍රවාහන, මහාමාර්ග සහ නාගරික සංවර්ධන අමාත්‍යංශය සඳහන් කරයි.

පොලිස්පති නීතීඥ ප්‍රියන්ත වීරසූරිය විසින් චක්‍රලේඛයක් නිකුත් කර ඇත.

ආපදාවට ලක්වූ පුද්ගලයින්ට ලබාදීමට රැගෙන යන අත්‍යවශ්‍ය ආහාර ද්‍රව්‍ය ඇතුළු භාණ්ඩ අතරමගදි බලහත්කාරයෙන් පැහැර ගැනීම වලක්වන්නැයි පොලිස්පතිවරයා උපදෙස් ලබාදී ඇත.

ඒ අනුව පළාත් භාර ජ්‍යෙෂ්ඨ නියෝජ්‍ය පොලිස්පතිවරුන්, මූලස්ථාන පොලිස් පරීක්ෂකවරුන් හා සියලු පොලිස් ස්ථානාධිපතිවරුන් වෙත එම චක්‍රලේඛය නිකුත් කරමින් උපදෙස් ලබාදී ඇත.

පරිත්‍යාගශීලින් ලබාදෙන සහනාධාර අතරමග රැඳී සිටින පිරිස් බලහත්කාරයෙන් පැහැරගෙන යාමේ සිද්ධීන් කිහිපයක් සම්බන්ධයෙන් අතවශ්‍ය සේවා කොමසාරිස් ජනරාල්වරයා කළ දැනුම්දීමකට අනුව පොලිස්පතිවරයා එම පියවර ගෙන ඇත.

අතරමගදි එම භාණ්ඩ බලහත්කාරයෙන් පැහැර ගැනීම වැලැක්වීමට පොලිස් වසම් තුල උපරිම ක්‍රියාමාර්ග අනුගමනය කල යුතු බව පොලිස්පතිවරයා අවධාරණය කර ඇත.

එවැනි සිද්ධියක් සම්බන්ධයෙන් වාර්තා වුවහොත් නොපමාව විමර්ශන සිදුකර ඊට අදාල තැනැත්තන්ට එරෙහිව දැඩි නෛතික ක්‍රියාමාර්ග ගැනීමට කටයුතු කල යුතු බවද පොලිස්පතිවරයා නිකුත් කළ උපදෙස් මාලාවේ සඳහන් වේ.

විවිධ ප්‍රදේශවල සිට පැමිණෙන පරිත්‍යාගශීලින් ආපදාවට ලක්ව සිටින ජනතාව වෙත භාණ්ඩ බෙදාහැරීම් සිදුකිරීමේදී එය ක්‍රමවත් කිරීම සඳහා අවශ්‍ය සහාය නොමදව ලබාදිය යුතු බවද පොලිස්පතිවරයා නිකුත් කළ චක්‍රලේඛයේ දැක්වේ.

අයහපත් කාලගුණයෙන් විනාශයට පත් වූ යටිතල පහසුකම් සංවර්ධනය කිරීම සඳහා රුපියල් ‌කෝටි 5000ක පරිපූරක ඇස්තමේන්තුවක් අනුමත කර ගැනීම සඳහා පාර්ලිමේන්තු රැස්වීමක් පැවැත්වීමට නියමිතය.

ඒ අනුව පාර්ලිමේන්තුවේ විශේෂ රැස්වීමක් ලබන (19) වැනිදා පැවැත්වීමට නියමිතය.

අද (06) රාත්‍රියේ දෙහිවල A ක්වාටර්ස් ක්‍රීඩාංගනය ආසන්නයේදී සිදුකළ වෙඩි තැබීමකින් 34 හැවිරිදි පුද්ගලයෙකු ජීවිතක්ෂයට පත්ව ඇත.

වෙඩි වැදීමෙන් තුවාල ලැබු පුද්ගලයා කළුබෝවිල රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇත.

පාතාල කල්ලි දෙකක ගැටුමක ප්‍රතිඵලයක් ලෙස මෙම වෙඩි තැබීම සිදුකර ඇති බවට පොලීසිය සැක පළ කරයි.

දිට්වා සුළි කුණාටුවේ බලපෑමත් සමග ජල සැපයුම් පද්ධතියට සිදුවූ හානිවලින් සියයට 90ක් පමණ මේ වන විට යථා තත්ත්වයට පත් කිරීමට හැකි වී ඇති බව නිවාස ඉදිකිරීම් හා ජල සම්පාදන අමාත්‍ය සුසිල් රණසිංහ සඳහන් කරයි.

අමාත්‍ය සුසිල් රණසිංහ සඳහන් කළේ,

“මේ සිද්ධ වෙච්චි ආපදාවත් සමඟ අපේ රටේ දිස්ත්‍රික්ක විසිපහේම පාහේ ජල සම්පාදන කටයුතු අඩාල වුණා. විශේෂයෙන්ම මහනුවර දිස්ත්‍රික්කය ගත්තහම සීයට සීයක් ජල සම්පාදන කටයුතු අඩාල වුණා. ජල සම්පාදන මණ්ඩලය සතුව තියෙනවා ජල පිරිපහදු මධ්‍යස්ථාන තුන්සිය හතළිස් තුනක්.

මේ ජල පිරිපහදු මධ්‍යස්ථාන තුන්සිය හතළිස් තුනෙන් එකසිය පනස් හයක්ම සම්පූර්ණ අක්‍රීය තත්වයට පත් වුණා. ආපදාවට ලක් වුණා. ජල සම්පාදන කටයුතු කරගන්න බැරුව ගියා.

එතනින් පස්සේ මේ වෙනකොට නැවත ජල සම්පාදන කටයුතුවලින් සීයට අනූවකට වැඩි ප්‍රමාණයක් නැවත සකස් කරලා ජනතාවට ජල සම්පාදන කටයුතු ලබාදෙන්න. ජල සම්පාදනය ලබා දෙන්න. පානීය ජලය ලබා දෙන්න, ජල සම්පාදන මණ්ඩලය සහ ඒ සේවකයන් කටයුතු කරලා තියෙනවා. 

මෙහිදී විශේෂයෙන්ම සඳහන් කරන්න ඕනේ, ජල සම්පාදන මණ්ඩලයේ සේවකයන් දැක්වූ කැපවීම, ඔවුන් අනාරක්ෂිත ප්‍රදේශවලට, සමහරවිට බෝට්ටුවලින් ගිහිල්ලා, සමහරවිට වතුරේ ගිලිලා, ඒ තැන්වලට ළඟා වෙලා, මඩේ, වතුරේ දිවා රෑ නොබලා, මහන්සි වෙලා, කැපවීම් කරලා තමයි මේ සේවාව නැවත ලබාදීමට කටයුතු කරේ.

සමහර සේවකයෝ සේවය කරන්නේ වෙන දිස්ත්‍රික්කයක නමුත් මේ ආපදාවට ලක්වුණු දිස්ත්‍රික්කයකවලට ඔවුන් ගියා. ඔවුන්ගේ ස්වකැමැත්තෙන්. ඒ වගේම විශේෂත්වය තමයි ඔවුන් අමතර දීමනා කිසිවක් නැතුව ස්වේච්චාවෙන් තමයි ඉදිරිපත් වෙලා මේ වැඩ කටයුත්ත කරේ. ජල සම්පාදන මණ්ඩලයේ සේවකයෝ බොහෝ දෙනෙක් තවමත් ඉල්ලුම් කරනවා.

ඔවුනුත් එන්නම්. ඔවුන් සහභාගි වෙන්නම් යන්න කියලා. එතරම් කැපවීමක් එතරම් උනන්දුවක් ඔවුන්ගේ තිබෙනවා. මේ ආපදාවට ලක් වෙච්ච, බිඳ වැටිච්ච, ජල සම්පාදන කටයුතු නැවත ආරම්භ කරන්න. ඒ නිසා මං අමාත්‍යවරයා විදිහට විශේෂයෙන්ම ස්තූතිවන්ත වෙන්න කැමතියි ජල සම්පාදන මණ්ඩලයේ සේවකයන්ට විශේෂයෙන්ම තාක්ෂණික සේවකයන්ට මේ දක්වපු කැපකිරීම. 

මේ දක්වපු දායකත්වය මේ ඔවුන්ගේ මහන්සිය සඳහා මගේ විශේෂ ස්තූතිය කරන්න කැමතියි. ඒ වගේම තමයි ත්‍රිවිධ හමුදාව, ඒ වගේම විදුලිබල මණ්ඩලය, මාස්ටර් ඩයිවර්ස් වැනි ආයතන ඒ වගේම ස්වේච්ඡා සංවිධාන, ගම්මු, ප්‍රදේශවාසීන් සියලු දෙනා විශේෂ සහයෝගයක් ලබා දුන්නා මේ ජල සම්පාදන කටයුතු නැවත ස්ථාපනය කරන්න.

අපි බලාපොරොත්තු වෙනවා නොබෝ දිනකින්ම සීයට සීයක් ජල සම්පාදන කටයුතු නැවත ස්ථාපිත කරන්න අපේ රටේ. දැනට ඉතුරුවෙලා තිබෙන ජල පිරිපහදු මධ්‍යස්ථාන කිහිපයේ ජල සම්පාදන කටයුතු කරන්න බැරි තරමට හානි වෙලා තිබෙනවා. සමහර නළ පද්ධති කිලෝමීටර් දෙකක් යනකම් හානි වෙලා තිබෙනවා.

සමහර ජල සම්පාදන පිරිපහදු මධ්‍යස්ථාන වලට විදුලි බලය නැහැ. බොහෝ ස්ථාන වලට යන්න පාරවල් තාම නැහැ. ඒ නිසා ඒ අසීරුතාවය නිසා මේ ප්‍රමාද වෙනවා මිස, ජල සම්පාදන සේවකයන්ගේ කැපවීම අගය කරන්න ඕනේ. ඔවුන් සූදානමින් ඉන්නවා මේවා නැවත ප්‍රතිස්ථාපනය කරන්න.”