Top Story

විශ්වාසදායී සහ පිළිගත් විශ්ලේෂණය සහ උපදෙස් සපයන ස්වාධීන ආයතනයක් වන Verité Research ආයතනය පවසන්නේ 2026 පෙබරවාරි මාසයේ මුල් භාගය වන විට ආණ්ඩුව ගැන ජනතා අනුමැතිය 65% ක් ලෙස වාර්තා වී ඇති බව

Verité Research ආයතනය විසින් පවත්වනු ලබන ගැලප් (Gallup) මාදිලියේ “රට හිතන හැටි” යන නවතම මත විමසුම් සමීක්ෂණය අනුව මෙම තොරතුරු ඉදිරිපත් කර ඇත.

එම සමීක්ෂණ වාර්තාව මඟින් වැඩිදුරටත් පෙන්වාදෙන්නේ වසර හතරක මත විමසුම් ඉතිහාසය තුළ රට ගැන ජනතාවගේ තෘප්තිය 50% මට්ටම ඉක්මවා ගිය පළමු අවස්ථාව මෙය බවයි.

මීට වසරකට පෙර පැවති ජනතා අනුමැතිය වන 62% ක් වු ප්‍රතිශතාංක අගයට සාපේක්ෂව මෙම වසරේ එම අගය ස්ථායි මට්ටමක පවතින බව ඔවුන් පෙන්වා දෙයි.

මෙම නවතම මත විමසුම දිවයින පුරා විසිරී සිටින වෙන් වෙන් පවුල් ඒකකවලට අයත් ශ්‍රී ලාංකික වැඩිහිටියන් 1,048 දෙනෙකුගෙන් සමන්විත, සසම්භාවි ක්‍රියාවලියක් හරහා තෝරා ගන්නා ලද බහු-පියවර නියැදියක් ඇසුරින් මෙම වසරේ ජනවාරි 24 වනදා සිට පෙබරවාරි 03 වනදා දක්වා කාලය තුළ පවත්වා තිබේ.

මේ සඳහා දත්ත එකතු කිරීම වැන්ගාඩ් සර්වේ (Vanguard Survey (Pvt) Ltd) ආයතනය විසින් සිදුකර කර ඇත.

මේ අතර, සමීක්ෂණ වාර්තා අනුව ආණ්ඩුව කටයුතු කරන ආකාරය අනුමත නොකරන පිරිසෙහි ප්‍රතිශතය අඩු මට්ටමක පවතී.

මෙම මත විමසුමේ සිව් වසරක ඉතිහාසය තුළ ප්‍රථම වතාවට, පවතින ආර්ථික තත්ත්වය “යහපත්” හෝ “විශිෂ්ට” ලෙස ඇගයූ පිරිස, එය “දුර්වල” ලෙස ඇගයූ පිරිස ඉක්මවා ගොස් ඇත. 

ජනතාව, රටේ ආර්ථිකයේ ඉදිරි දැක්ම පිළිබඳව වඩා සුබවාදී මතයක් දැරීම ද මෙවර දක්නට ලැබෙන බව සඳහන් වේ.

එමෙන්ම ආර්ථිකය “යහපත් වෙමින් පවතින බව” පැවසූ පිරිස වසරකට පෙර පැවති 55% ක අගයේ සිට 64% දක්වා ඉහළ ගොස් ඇත.

මෙයින් පෙනී යන්නේ රටේ ආර්ථික ගමන් මඟ පිළිබඳව වැඩි පිරිසක් වඩාත් තීරණාත්මකව සහ සුබවාදීව සිතන බව බවයි එම ආයතනය පෙන්ව දී ඇත්තේ.

මීට අමතරව, ජනතාවගෙන් බහුතරයක් (59%) වර්තමානයේ රටේ කටයුතු සිදුවෙමින් පවතින ආකාරය ගැන තෘප්තිමත් බව ප්‍රකාශ කර ඇත.

විවිධ අංශ ඔස්සේ පෙර රජයන්ට සාපේක්ෂව වත්මන් රජය ඇගයීමේදී ධනාත්මක ඇගයීම ඉහළින්ම තිබුනේ මත්ද්‍රව්‍ය සහ අපරාධ අවම කිරීම සම්බන්ධයෙන් බව සඳහන් වේ.

එය දූෂණය අඩු කිරීම සම්බන්ධව තිබූ ඇගයීමටත් වඩා ධනාත්මක බව එම වාර්තාව පවසයි. 

මෙම ක්‍රමවේදය තුල ප්‍රතිඵල 95% ක විශ්වාසනීය මට්ටමක තිබෙන බවත් නමුත් උපරිම වශයෙන් ප්‍රතිශතාංක 3%ක් අඩු හෝ 3%ක් වැඩි ආන්තික දෝෂයකට සීමා වනු ඇති බව වැඩිදුරටත් සඳහන් වේ.

සම්පූර්ණ නිවේදනය පහතින්,

2026 පෙබරවාරි මාසයේ මුල් භාගය වන විට ආණ්ඩුව ගැන ජනතා අනුමැතිය 65% ක් ලෙස වාර්තා වී ඇති බව විශ්ලේෂණය සහ උපදෙස් සපයන ස්වාධීන ආයතනයක් වන Verité Research ආයතනය පවසයි.

එම ආයතනය විසින් පවත්වනු ලබන ගැලප් (Gallup) මාදිලියේ “රට හිතන හැටි” යන නවතම මත විමසුම් සමීක්ෂණය අනුව මෙම තොරතුරු ඉදිරිපත් කර ඇත.

වසර හතරක මත විමසුම් ඉතිහාසය තුළ රට ගැන ජනතාවගේ තෘප්තිය 50% මට්ටම ඉක්මවා ගිය පළමු අවස්ථාව මෙය බව එම ආයතනය පවසයි.

ඔවුන් පවසන්නේ මීට වසරකට පෙර පැවති ජනතා අනුමැතිය වන 62% ක් වු ප්‍රතිශතාංක අගයට සාපේක්ෂව මෙම වසරේ එම අගය ස්ථායි මට්ටමක පවතින බවය.

මෙම නවතම මත විමසුම දිවයින පුරා විසිරී සිටින වෙන් වෙන් පවුල් ඒකකවලට අයත් ශ්‍රී ලාංකික වැඩිහිටියන් 1,048 දෙනෙකුගෙන් සමන්විත, සසම්භාවි ක්‍රියාවලියක් හරහා තෝරා ගන්නා ලද බහු-පියවර නියැදියක් ඇසුරින් මෙම වසරේ ජනවාරි 24 වනදා සිට පෙබරවාරි 03 වනදා දක්වා කාලය තුළ පවත්වා තිබේ.

මේ සඳහා දත්ත එකතු කිරීම වැන්ගාඩ් සර්වේ (Vanguard Survey (Pvt) Ltd) ආයතනය විසින් සිදුකර කර ඇත.

මේ අතර, සමීක්ෂණ වාර්තා අනුව ආණ්ඩුව කටයුතු කරන ආකාරය අනුමත නොකරන පිරිසෙහි ප්‍රතිශතය අඩු මට්ටමක පවතී.

මෙම මත විමසුමේ සිව් වසරක ඉතිහාසය තුළ ප්‍රථම වතාවට, පවතින ආර්ථික තත්ත්වය “යහපත්” හෝ “විශිෂ්ට” ලෙස ඇගයූ පිරිස, එය “දුර්වල” ලෙස ඇගයූ පිරිස ඉක්මවා ගොස් ඇත. 

ජනතාව, රටේ ආර්ථිකයේ ඉදිරි දැක්ම පිළිබඳව වඩා සුබවාදී මතයක් දැරීම ද මෙවර දක්නට ලැබෙන බව සඳහන් වේ.

එමෙන්ම ආර්ථිකය “යහපත් වෙමින් පවතින බව” පැවසූ පිරිස වසරකට පෙර පැවති 55% ක අගයේ සිට 64% දක්වා ඉහළ ගොස් ඇත.

මෙයින් පෙනී යන්නේ රටේ ආර්ථික ගමන් මඟ පිළිබඳව වැඩි පිරිසක් වඩාත් තීරණාත්මකව සහ සුබවාදීව සිතන බව බවයි එම ආයතනය පෙන්ව දී ඇත්තේ.

මීට අමතරව, ජනතාවගෙන් බහුතරයක් (59%) වර්තමානයේ රටේ කටයුතු සිදුවෙමින් පවතින ආකාරය ගැන තෘප්තිමත් බව ප්‍රකාශ කර ඇත.

විවිධ අංශ ඔස්සේ පෙර රජයන්ට සාපේක්ෂව වත්මන් රජය ඇගයීමේදී ධනාත්මක ඇගයීම ඉහළින්ම තිබුනේ මත්ද්‍රව්‍ය සහ අපරාධ අවම කිරීම සම්බන්ධයෙන් බව සඳහන් වේ.

එය දූෂණය අඩු කිරීම සම්බන්ධව තිබූ ඇගයීමටත් වඩා ධනාත්මක බව එම වාර්තාව පවසයි. 

මෙම ක්‍රමවේදය තුල ප්‍රතිඵල 95% ක විශ්වාසනීය මට්ටමක තිබෙන බවත් නමුත් උපරිම වශයෙන් ප්‍රතිශතාංක 3%ක් අඩු හෝ 3%ක් වැඩි ආන්තික දෝෂයකට සීමා වනු ඇති බව වැඩිදුරටත් සඳහන් වේ.

සම්පූර්ණ නිවේදනය පහතින්,

ඊයේ දිනයේ බත්තරමුල්ල – අකුරේගොඩ හමුදා මූලස්ථානය අසල සුපිරි වෙළදසැලක රථ ගාලක් තුළ නීතිඥවරයෙකු සහ ඔහුගේ නීතිඥ බිරිද වෙඩිතබා ඝාතනය කිරීම සංවිධානාත්මක අපරාධකරුවෙකු වන කරන්දෙණිය සුද්දා විසින් මෙහෙයවා ඇති බවට තොරතුරු අනාවරණය වෙමින් පවතී.

අදාළ නීතිඥවරයා මීට පෙර කරන්දෙණිය සුද්දාගේ නඩුවලට පෙනී සිට ඇති අතර පසුව සංවිධානාත්මක අපරාධකරුවෙකු වන ලොකු පැටී නැමැත්තාට කරන්දෙනිය සුද්දාගේ නඩු කටයුතුවල තොරතුරු ලබාදුන් බවට ඇති වූ සැකයක් මත මෙම ඝාතනය සිදුකර ඇතැයි විමර්ශනවලදී හෙලිව තිබේ.

ඊයේ අදාළ නීතිඥවරයා ලොකුපැටී නැමැත්තාගේ නඩුවලට කඩුවෙල උසාවියේදී පෙනී සිට ඇති අතර පසුව ඔහු සිය බිරිද සමඟ යළි පැමිණෙන අතරතුර අකුරේගොඩ හමුදා මූලස්ථානය ආසන්නයේ පිහිටි සුපිරි වෙළද සැලක රථ ගාලක් අසළදී තවත් මෝටර් රථයකින් පැමිණි දෙදෙනෙකු විසින් වෙඩිතබා ඝාතනය කර තිබුණි.

ඔවුන් ඒ සදහා ටී – 56 ගිනි අවියක් සහ මිලිමීටර 9 වර්ගයේ පිස්තෝල අවියක් භාවිත කර ඇති බවටයි අනාවරණය වී ඇත.

ඒ අසළ තිබූ සී.සී.ටී.වී දර්ශනවලද ඔවුන් වෙඩිතබා පළා යන ආකාරයද දක්නට ලැබිණි.

එමෙන්ම, වෙඩිතැබීම සදහා පැමිණි මෝටර් රථයේ වෙඩික්කරුවන් දෙදෙනා ඇතුලු 04 දෙනෙකු ද සිට ඇති බව වාර්තා වේ.

මියගිය පුද්ගලයා බුද්ධික මල්ලවආරච්චි නැමැති නීතිඥවරයා බවට හදුනාගෙන ඇති අතර, ඔහු මීට පෙර සංවිධානාත්මක අපරාධ නඩු ගණනාවක් සදහා පෙනී සිට තිබේ.

වෙඩික්කරුවන් අත්අඩංගුවට ගැනීම සදහා පොලිසිපතිවරයාගේ උපදෙස් පරිදි අපරාධ පරීක්ෂණ දෙපාර්තමේන්තුව, මධ්‍යම අපරාධ විමර්ශන කාර්යංශය, පොලිස් විශේෂ කාර්ය බලකාය ඇතුලු පොලිස් කණ්ඩායම් 10 ක් මේ වන විට යොදවා තිබෙනවා.

මෙම වෙඩි තැබීමත් සමග වසරේ මේ දක්වා සිදු වූ වෙඩි තැබීම් සංඛ්‍යාව 07 ක් දක්වා ඉහළ යන අතර ඉන් පුද්ගලයින් 07 දෙනෙකු මියගොස් තිබුණා.

ප්‍රවාහන පද්ධතිය වඩාත් කාර්යක්ෂම, සුරක්ෂිත සහ නවීන තාක්ෂණයෙන් යුත් ප්‍රවාහන සේවාවක් බවට පත් කරමින්, මහජනතාවට ගෞරවනීය සහ විශ්වාසදායක සේවාවක් ලබා දීම සඳහා සමස්ත ප්‍රවාහන ව්‍යුහයම කඩිනම් පරිවර්තනයකට ලක් විය යුතු බව ජනාධිපති අනුර කුමාර දිසානායක පෙන්වා දුන්නේය.

ජනාධිපතිවරයා මේ බව පෙන්වා දුන්නේ ප්‍රවාහන, මහා මාර්ග සහ නාගරික සංවර්ධන අමාත්‍යාංශයේ නිලධාරීන් සමඟ සාකච්ඡාවකට අද (12) පෙරවරුවේ ජනාධිපති කාර්යාලයේදී එක් වෙමිනි.

ප්‍රවාහන ක්ෂේත්‍රයේ පුනරුදයක් වෙනුවෙන් ආර්ථික තරඟකාරිත්වය, පාරිසරික තිරසරභාවය, ඩිජිටල් පරිවර්තනය, සමාජ සමානාත්මතාවය සහ ප්‍රවේශය, ආරක්ෂාව සහ සුරක්ෂිතභාවය යන කුළුණු 05 යටතේ ප්‍රවාහන අමාත්‍යාංශය විසින් සැලසුම් කර තිබෙන උපායමාර්ගික සැලැස්ම පිළිබඳ මෙහිදී ජනාධිපතිවරයා දැනුවත් කෙරිණි.

කොළඹ නගරයේ දැනට පවතින දැඩි රථ වාහන තදබදයට පිළියමක් ලෙස Lanka Metro Transit බස් රථ සේවාව හඳුන්වා දීමට සැලසුම් කර තිබෙන බවත්, මෙම ව්‍යාපෘතිය යටතේ අවශ්‍ය යටිතල පහසුකම් මේ වන විට සම්පාදනය කරමින් තිබෙන අතර, මේ වසරේ අගෝස්තු මාසය වන විට මෙරටට බස් රථ පැමිණීමට නියමිත බවත් මෙහිදී සඳහන් කෙරිණි.

කොළඹ අවට ප්‍රධාන මාර්ග 6ක් ඔස්සේ මෙම ව්‍යාපෘතිය නියමු ව්‍යාපෘතියක් ලෙස ක්‍රියාත්මක කිරීමට සැලසුම් කර තිබෙන බවත්, බස්නාහිර පළාතෙන් ආරම්භ කෙරෙන වැඩසටහන පසුව ගාල්ල සහ මහනුවර දිස්ත්‍රික්ක වෙතත්, ඉදිරි වසර 03 තුළ ප්‍රධාන නගර 08ක් දක්වාත් ව්‍යාප්ත කිරීමට අපේක්ෂා කරන බවත් සදහන් කෙරිණි.

මෙම නියමු ව්‍යාපෘතිය මගින් කොළඹ නගරයට දෛනිකව ඇතුළු වන පෞද්ගලික වාහන සංඛ්‍යාව අවම කර, මගී ජනතාව පොදු ප්‍රවාහනය වෙත ආකර්ෂණය කර ගැනීමට අපේක්ෂිතය. මෙහිදී ජනාධිපතිවරයා අවධාරණය කළේ බස් ප්‍රමුඛතා මංතීරු හඳුනා ගැනීම සහ ඒවායේ කාර්යක්ෂමතාව පවත්වා ගැනීම අත්‍යවශ්‍ය බවය.

මහජනතාවට ගුණාත්මක සේවාවක් ලබා දීම සඳහා පවතින විසිරුණු බස් සේවාවන් වෙනුවට ප්‍රවාහන සමාගම් (ක්ලස්ටර් – Clusters) ක්‍රමවේදයක් කරා යා යුතු බව ජනාධිපතිවරයා මෙහිදී පෙන්වා දුන්නේය. “මිනිසුන්ට අවශ්‍ය වන්නේ තමන්ට හොඳ ප්‍රවාහන සේවාවක් ලැබීමයි. එය ලැබෙන්නේ කුමන ආකාරයකින්ද යන්න ඔවුන්ට වැදගත් නැහැ,” යනුවෙන් ජනාධිපතිවරයා පැවසීය.

අපට ඇත්තේ සැලසුම් සහගතව ගොඩනැඟූ නගර නොව, කාලයත් සමඟ ගොඩනැඟුණු නගර බැවින්, පවතින නාගරික ව්‍යුහය තුළ ප්‍රවාහන කළමනාකරණය ඉතා පරිස්සමින් සිදු කළ යුතු බව පෙන්වා දුන් ජනාධිපතිවරයා, බස් ක්ලස්ටර් ක්‍රමය ස්ථාපිත කිරීම මෙම ගැටලුවට ඇති හොඳම විසඳුම බව සඳහන් කළේය.

එම ක්‍රමය යටතේ බස් හිමියන් වෙත බස් රථ යෙදවීම සදහා සමාගමක් ඇති කෙරෙන බවත්, එහිදී ලාභය පිළිබද ගැටලුවක් මතු වන්නේ නම් සමාගම සඳහා රජයෙන් සහනයක් ලබා දීමේ හැකියාවත් ජනාධිපතිවරයා පෙන්වා දුන්නේය.

එහිදී බස් හිමියා සහ සමාගම අතර ගිවිසුමක් මෙන්ම අදාළ සේවාව අඛණ්ඩව ලබා දීම පිළිබඳ රජය සහ බස් සමාගම අතර ගිවිසුමකට එළැඹීමේ වැදගත්කමත්, අලුතින් බස් ගෙන්වා විශාල පිරිවැයක් දරනවාට වඩා එය පහසු කාර්යයක් වනු ඇති බවත් ජනාධිපතිවරයා පෙන්වා දුන්නේය.

බහුවිධ ප්‍රවාහන මධ්‍යස්ථාන (Multi-modal Transport Hubs) සැලසුම් කිරීමේදී දුම්රිය සේවය කේන්ද්‍ර කර ගනිමින් අනෙකුත් ප්‍රවාහන මාධ්‍යයන් ඒ වටා ඒකරාශී කිරීමේ වැදගත්කමද ජනාධිපතිවරයා මෙහිදී පෙන්වා දුන්නේය. කැලනි වැලි දුම්රිය මාර්ගය නවීකරණය කිරීම පිළිබඳව සහ අධිවේගි මාර්ග පද්ධතිය වෙනුවෙන් ඉලෙක්ට්‍රෝනික ක්‍රමවේදයක් හඳුන්වාදීමේ සැලසුම් පිළිබඳවද සාකච්ඡා කෙරිණි.

ප්‍රවාහන ක්ෂේත්‍රයේ නිරත සේවකයන්ගේ සුබසාධනය සම්බන්ධයෙන්ද මෙහිදී ජනාධිපතිවරයාගේ විශේෂ අවධානය යොමු විය. සේවකයන්ට නිසි ගෞරවයක් ලැබෙන පරිදි සහ ඔවුන්ගේ අනාගත සුරක්ෂිතතාව තහවුරු වන පරිදි සේවා කොන්දේසි සකස් කළ යුතු බවත්, විශේෂයෙන් පෞද්ගලික අංශයේ සේවකයන් සඳහා විධිමත් පත්වීම් ලිපියක් ලබා දීම සහ විධිමත් සුබසාධන සේවාවක් සහතික කිරිමේ වැදගත්කමත් ජනාධිපතිවරයා අවධාරණය කළේය.

ස්ථානීය දඩ ක්‍රමය (On-site Fine System) සහ ලකුණු කැපීමේ ක්‍රමය (Demerit Point System) සම්බන්ධයෙන් පවතින තත්ත්වය පිළිබඳවද මෙහිදී අවධානය යොමු වූ අතර වසර 10ක් තිස්සේ රියදුරු බලපත්‍ර චිප් (Chip) එකක් සහිතව නිකුත් කළද, එවැනි ලකුණු කැපීමේ ක්‍රමයක් ක්‍රියාත්මක කිරීමට අවශ්‍ය කිසිදු තාක්ෂණික මෘදුකාංග පද්ධතියක් සකස් කර නොතිබූ බවත්, එය රැවටීමක් පමණක් බවත් අනාවරණය කෙරිණි. දැන් Gov.pay මඟින් එම ක්‍රමවේදය නිවැරදි කර ගැනීමට හැකියාව ලැබී ඇති බවත්, ඒ අනුව මාස 6-7ක් ඇතුළත විධිමත්ව ක්‍රමවේදයක් ස්ථාපිත කිරීමට හැකි වනු ඇති බවත් මෙහිදී සඳහන් කෙරිණි.

ත්‍රීවිල් රථ, ටැක්සි සහ පාසල් වෑන් රථ නියාමනයට ක්‍රමවේදයක් සකස් කර තිබෙන අතර සියලු පාර්ශ්වයන් සමග සාකච්ඡා කිරීමෙන් පසු එය ඉදිරිපත් කිරීමට අපේක්ෂා කරන බවද සඳහන් කෙරිණි.

සිසු සැරිය බස් රථ සේවාව ආශ්‍රිතව මතුව ඇති ගැටලු පිළිබඳවද මෙහිදී අවධානය යොමු වූ අතර සිසු සැරිය වැඩසටහන වෙනුවෙන් 2025 වසරේදී රජයෙන් රුපියල් මිලියන 2200ක් වෙන් කළ බවත්, එයින් රුපියල් මිලියන 500ක් භාවිතයට නොගෙන නැවත හරවා එවා තිබෙන බවත් සඳහන් කෙරිණි.

ඒ අනුව සිසු සැරිය වැඩසටහන කාර්යක්ෂම කිරීම සහ සිසුන් වෙත සෘජුවම ප්‍රතිලාභ ලැබෙන අයුරින් පුළුල් කළ හැකි අන්දම පිළිබඳවද මෙහිදී සාකච්ඡා විය.

මෙරට ප්‍රවාහන ක්ෂේත්‍රයේ සියලු ආයතන එක් වේදිකාවකට ගෙන එමින් ජාතික ප්‍රවාහන පර්යේෂණ සහ සංවර්ධන මධ්‍යස්ථානයක් ස්ථාපිත කිරීම පිළිබඳවද මෙහිදී සාකච්ඡා විය.

හිටපු ජනාධිපති රනිල් වික්‍රමසිංහගේ ප්‍රශ්නගත විදෙස් සංචාරයේදී ඔහුගේ බිරිඳ වන මහාචාර්ය මෛත්‍රී වික්‍රමසිංහ සහ ඔහුගේ පුද්ගලික ලේකම්වරිය වන සැන්ඩ්‍රා පෙරේරා රාජ්‍ය මුදල් අවභාවිතා කර ඇද්දැයි විමර්ශනය කිරීමට අපරාධ පරීක්ෂණ දෙපාර්තමේන්තුවට උපදෙස් ලබාදී ඇත.

අතිරේක සොලිසිටර් ජනරාල් දිලීප පීරිස් කොළඹ කොටුව මහේස්ත්‍රාත් අධිකරණයට දැනුම් දුන්නේ,

“ස්වාමීනි මේ දෙවන සැකකරු පළමු සැකකරු ට්‍රාන්ස්සිට් එකක් සඳහා පමණක් ලන්ඩනයට යන බව දැනගෙන හිටියේ කියලා ප්‍රකාශ දෙමින් කියලා තියෙනවා. එතකොට පැය 36ක කාලයකට ලක්ෂ 166ක රාජ්‍ය මුදල් ගැනීම සම්බන්ධව ඔහුට පළමු සැකකරුගෙන් විමසීමේ හැකියාව තිබ්බා.

රට බංකොළොත් කියලා නිල වශයෙන් නිවේදනය කරලා තිබ්බ වෙලාවකයි මේ පැය 36ක කාලයකට මේ මුදල මොහු අනුමත කරන්නේ. ස්වාමීනී මොහුට මේ සංචාරය පිළිබඳ පළමු ලියුම ලැබෙන්නේ 2023 සැප්තැම්බර් (01) වැනිදා. මොහු මේ දැන් සරෝජා සිරිසේනගේ ඇඟට ඔක්කොම බැර කරන්න හදනවා.

ස්වාමීනී පළමු සැකකරු රනිල් වික්‍රමසිංහගේ බිරිඳ හා ඔහුගේ පුද්ගලික ලේකම් ලෙස කටයුතු කළ සැන්ඩ්‍රා පෙරේරා යන අයද මෙම සංචාරයට එක් වෙමින් රාජ්‍ය මුදල් අවභාවිතයක් සිදු කර ඇතිද කියා විමර්ශනයට අපරාධ පරීක්ණ දෙපාර්තමේන්තුවට මම උපදෙස් දී තිබෙනවා.

මේ සැකකරු පසුගිය නඩු දිනයේ බන්ධනාගාරගත වූ පසු බන්ධනාගාර බස් එකේ යන්නේ අත්දෙක එකතු කරලා ජයවේවා කියන් මාධ්‍යයට. මොහු ඒ කියන්නේ ඉන්නේ සතුටින්. රක්ෂිත බන්ධනාගාර ගත වූ සැකකාරයෙක් එහෙම හැසිරෙන්නේ කොහොමද.?

මේ සැකකාරයාව හම්බවෙන්න පළමු සැකකරු සහ තවත් අයෙකු බන්ධනාගාරයට ගොස් තිබෙනවා. සාක්ෂිකරුවන්ට බලපෑම්න් වීමේ හැකියාව තිඛෙනවා ස්වාමීනි. මොහුට ඇප ලබා දිය යුතු නෑ. ස්වාමීනී සැකකරුට ඇප ලබා දෙනවාට මම විරුද්ධයි.”

හිටපු ජනාධිපති රනිල් වික්‍රමසිංහට එරෙහිව පොදු දේපළ පනතේ චෝදනා යටතේ ගොනු කර ඇති නඩුවේ දෙවන සැකකරු ලෙස හිටපු ජනාධිපති ලේකම් සමන් ඒකනායක නම් කර ඇත.

අතිරේක සොලිසිටර් ජෙනරාල් දිලීප පිරිස් සහ විත්තිය වෙනුවෙන් පෙනී සිටි ජනාධිපති නීතිඥ කාලිංග ඉන්දතිස්ස ඉදිරිපත් කළ කරුණු සලකා බැලීමෙන් අනතුරුව සමන් ඒකනායක පෙබරවාරි මස (18) වනදා දක්වා තවදුරටත් රක්ෂිත බන්ධනාගාර ගත කරන ලෙසට කොටුව මහේස්ත්‍රාත් අධිකරණය නියෝග කළේය.

අද (11) පොළොන්නරුව දිස්ත්‍රික් හිටපු පාර්ලිමේන්තු මන්ත්‍රී අමරකීර්ති අතුකෝරළට සහ ඔහුගේ ආරක්ෂක නිලධාරියාට පහරදී ඝාතනය කිරීමේ නඩුවේ චෝදනාවලට වරදකරුවන් වූ 12 දෙනෙකුට මරණ දඬුවම නියම කෙරුණි.

එම නඩුවේ තීන්දුව ප්‍රකාශයට පත්කරමින් ගම්පහ ස්ථිර ත්‍රිපුද්ගල මහාධිකරණයමෙම නියෝගය ලබා දී තිබේ.

පසුගිය 2023 වසරේ සිට වසර දෙකහමාරකට අධික කාලයක් අඛණ්ඩව විභාග වූ මෙම නඩුවේ තීන්දුව සහන් මාපා බණ්ඩාර, රශ්මි සිංගප්පුලි හා රසන්ත ගොඩවෙල යන මහාධිකරණ ත්‍රිපුද්ගල විනිසුරු මඬුල්ල විසින් ප්‍රකාශයට පත්කෙරිණි.

එවක පැවති රාජපක්ෂ රජයේ ආධාරකරුවන් පිරිසක් විසින් අරගලයට පහරදීමක් සිදුකළ ඉකුත් 2022 වසරේ මැයි 9 වැනිදා ශ්‍රී ලංකා පොදුජන පෙරමුණේ පොළොන්නරුව දිස්ත්‍රික් පාර්ලිමේන්තු මන්ත්‍රි අමරකීර්ති අතුකෝරාල හා ඔහුගේ ආරක්ෂක නිලධාරී පොලිස් සැරයන් ජයන්ත ගුණවර්ධන, මන්ත්‍රිවරයාගේ මෝටර් රථයෙන් අරලිය ගහ මන්දිරයේ පැවැති ජන හමුවකට සහභාගි වී ආපසු පොළොන්නරුවේ සිය නිවස බලා යමින් සිටියදී නිට්ටඹුව නගර මධ්‍යයේ විරෝධතාවයක නිරත වූ පිරිසක් විසින් ඔවුන් දෙදෙනාට අමානුෂික අන්දමින් පොලු මුගුරුවලින් පහරදී ඝාතනය කළ අතර එම පහරදීම CCTV කැමරාවල සටහන්ව තිබුණි.

එනතුරුව සිද්ධිය සම්බන්ධ විමර්ශන අපරාධ පරීක්ෂණ දෙපාර්තමේන්තුවේ සංවිධානාත්මක හා මනුෂ්‍ය ඝාතන විමර්ශන කොට්ඨාසයේ එවක අධ්‍යක්ෂ ජ්‍යෙෂ්ඨ පොලිස් අධිකාරී හේමාල් ප්‍රශාන්ත මහතාගේ ප්‍රධානත්වයෙන් සිදුකෙරුණි.

ඒ අනුව අදාළ සිද්ධියට සම්බන්ධ සැකකරුවන් රැසක් අත්අඩංගුවට ගත් අතර ඒ අතරින් 41 දෙනෙකෙුට එරෙහිව නඩු පවරනු ලැබීය.

එම ම්ලේච්ඡ ද්විත්ව ඝාතනය සම්බන්ධයෙන් අත්තනගල්ල මහෙස්ත්‍රාත් අධිකරණයේ පැවැති මූලික නඩු කටයුතුවලින් අනතුරුව නීතිපතිවරයා විසින් විත්තිකරුවන්ට එරෙහිව ගම්පහ මහාධිකරණය හමුවේ අධි චෝදනා ගොනු කළේය.

මෙම නඩුව විභාග කිරීම සඳහා විශේෂ විනිසුරු මඬුල්ලක් පත්කරන ලෙස නීතිපතිවරයා විසින් අගවිනිසුරුවරයාගෙන් ඉල්ලීමක් කර තිබූ අතර ඒ අනුව ත්‍රිපුද්ගල විශේෂ මහාධිකරණ විනිසුරු මඬුල්ලක් අගවිනිසුරුවරයා විසින් පත්කරනු ලැබීය.

ඒ අනුව මාපා බණ්ඩාර, රශ්මි සිංගප්පුලි හා රසන්ත ගොඩවෙල යන මහාධිකරණ ත්‍රිපුද්ගල විනිසුරු මඬුල්ල නීතිපතිවරයා විසින් පත්කළේය.

අධි චෝදනා 14ක් යටතේ නීතිපතිවරයා විසින් විත්තිකරුවන් 41 දෙනාට එරෙහිව මෙම නඩුව පවරා තිබූ අතර එම විත්තිකරුවන්ගෙන් 13 වැනි සහ 31 වැනි විත්තිකරුවන් නඩු විභාගය අතරදී මියගොස් තිබූ අතර, 39 වැනි සහ 40 වැනි විත්තිකරුවන් අධිකරණය මගහැර පලාගොස් ඇති අතර ඔවුන් නොමැතිව නඩුව විභාග කෙරුණි.

මෙම නඩුව තීන්දුව සඳහා ඉකුත් ජනවාරි 14 වැනිදා කැඳවූ අවස්ථාවේදී දැඩි කොන්දේසි සහිත ඇප මත මුදාහැර සිටින විත්තිකරුවන් 37 දෙනාම අධිකරණය හමුවේ පෙනී සිටි අතර නඩුවට අදාළව ලිඛිත දේශන ඉදිරිපත් කිරීමේදී නීතිපතිවරයාගේ ඇති වූ ප්‍රමාදයක් හේතුවෙන් නඩුවේ තීන්දුව ප්‍රකාශයට පත්කිරීම විනිසුරු මඬුල්ල විසින් අද දිනට කල් තැබීය.

අද (11) උදෑසන නානුඔය රදැල්ල කෙටි මාර්ගයේදී ජනාධිපති අනුර කුමාර දිසානායක මහතා අවට වතුයායන්හි වතු සේවකයින් පිරිසක් හමුවී ඔවුන් සමඟ කෙටි සාකච්ඡාවක නිරත විය.

ජනාධිපතිවරයා එම ස්ථානයට පැමිණි අවස්ථාවේ වතු සේවකයින් විසින් ජනාධිපතිවරයාව උණුසුම් අයුරින් පිළිගත් අතර, තමන්ගේ වැටුප් වැඩි කිරීම සම්බන්ධයෙන් ස්තූතිය ද පළ කර සිටියහ.

ජනාධිපති අනුර කුමාර දිසානායක මහතා තමන්ගේ වැටුප් වැඩි කිරීමට පමණක් නොව, වතු කම්කරුවන්ගේ ගැටලු පිළිබඳ සොයා බැලීම සඳහා පැමිණි එකම ජනාධිපතිවරයා බවද එහිදී මාධ්‍ය වෙත අදහස් දක්වමින් වතු කම්කරුවන් සඳහන් කළේය.

පසුගිය වසරවල රජයේ දිනක ආදායම, වියදම සහ ණයගැතිභාවය පහතින් දැක්වෙයි.

*2020 වසරේ රජයේ දිනක ආදායම රුපියල් බිලියන 3.8ක් වන අතර 2020 වසරේ රජයේ දිනක වියදම රුපියල් බිලියන 8.3කි.

ඒ අනුව 2020 වසරේ රජයේ දිනක ණයගැතිභාවය රුපියල් බිලියන 4.6 පනී.

*2022 වසරේ රජයේ දිනක ආදායම රුපියල් බිලියන 5.5ක් වන අතර 2022 වසරේ රජයේ දිනක වියදම රුපියල් බිලියන 12.3යි.

ඒ අනුව 2022 වසරේ රජයේ දිනක ණයගැතිභාවය රුපියල් බිලියන 6.7 පනී.

*2023 වසරේ රජයේ දිනක ආදායම රුපියල් බිලියන 8.4ක් වන අතර 2023 වසරේ රජයේ දිනක වියදම රුපියල් බිලියන 14.7යි.

ඒ අනුව 2023 වසරේ රජයේ දිනක ණයගැතිභාවය රුපියල් බිලියන 6.3 පනී.

*2024 වසරේ රජයේ දිනක ආදායම රුපියල් බිලියන 11.2ක් වන අතර 2024 වසරේ රජයේ දිනක වියදම රුපියල් බිලියන 16.8යි.

ඒ අනුව 2024 වසරේ රජයේ දිනක ණයගැතිභාවය රුපියල් බිලියන 5.6 පනී.

*2025 වසරේ රජයේ දිනක ආදායම රුපියල් බිලියන 14.85ක් වන අතර 2025 වසරේ රජයේ දිනක වියදම රුපියල් බිලියන 15.83යි.

2025 වසරේ රජයේ දිනක ණයගැතිභාවය රුපියල් බිලියන 0.98යි.

ඒ අනුව වත්මන් ආණ්ඩුව විශාල ණය පරතරය රුපියල් බිලියන 0.98ක් දක්වා අඩු කර ගැනීමට කටයුතු කර ඇත.

2026 විස්සයි විස්ස ලෝක කුසලාන ක්‍රිකට් තරගාවලියේ එළඹෙන (15) වැනිදා කොළඹදී පැවැත්වීමට නියමිතව තිබූ ඉන්දියාවට එරෙහි තරගය වර්ජනය කිරීමේ තීරණය පාකිස්තානය විසින් ආපසු හරවා ගෙන ඇත.

පාකිස්තාන අගමැති මුහම්මද් ෂෙබාස් ෂෙරීෆ් සහ ශ්‍රී ලංකා ජනාධිපති අනුර කුමාර දිසානායක දුරකථන සංවාදයකදී, එළඹෙන විස්සයි විස්ස ලෝක කුසලාන තරඟාවලියේදී පාකිස්තාන ඉන්දියානු තරඟය ශ්‍රී ලංකාවේ පැවැත්වීමේ හැකියාව පිළිබඳව සොයා බලා ඇත.

ෂෙබාස් ෂෙරීෆ්ගේ නිල ෆේස්බුක් පිටුවේ සටහනකට අනුව, ජනාධිපති දිසානායක පෞද්ගලිකව අගමැතිතුමාගෙන් ඉල්ලා සිටියේ ඉදිරියේදී පැවැත්වෙන විස්සයි විස්ස ලෝක කුසලාන තරඟාවලියේදී පාකිස්තාන ක්‍රිකට් කණ්ඩායම ශ්‍රී ලංකාවේදී පාකිස්තාන ඉන්දීය තරඟය ක්‍රීඩා කරන ලෙසයි.

පාකිස්තාන අගමැති ෂෙරීෆ් එම හැඟීම් උණුසුම් ලෙස පිළිගත් අතර ශ්‍රී ලංකාවේ නොසැලෙන සහයෝගයට කෘතඥතාව පළ කළේය.

පාකිස්තාන ක්‍රිකට් ලෝලීන් සතුටට පත් කළ සහ ආරක්ෂක ගැටළු හේතුවෙන් වසර ගණනාවක් හුදකලා වීමෙන් පසු ජාතිය තුළ ජාත්‍යන්තර ක්‍රිකට් ක්‍රීඩාව නැවත පණ ගැන්වූ පියවරක් ලෙස ශ්‍රී ලංකාව මෑතකදී පාකිස්තානයේ සංචාරය කිරීම පිළිබඳව විශේෂයෙන් ප්‍රශංසා කළේය.

“ශ්‍රී ලංකාව දුෂ්කර කාලවලදී දැඩි ලෙස සහාය දුන් අතර පාකිස්තානයේ ක්‍රිකට් ක්‍රීඩාව දිගටම කරගෙන ගියේය” යනුවෙන් අගමැති ෂෙරීෆ් සිය ෆේස්බුක් පිටුවේ පළ කළ නිල ප්‍රකාශයේ සඳහන් වේ.

කථානායකවරයාට එරෙහිව නියෝජ්‍ය මහ ලේකම් චමින්ද කුලරත්න විසින් අල්ලස් හෝ දූෂණ චෝදනා විමර්ශන කොමිෂන් සභාව වෙත ගොනු කර තිබූ පැමිණිල්ල විභාග කිරීම සඳහා එම කොමිෂන් සභාව තීරණය කළේය.

ඒ අනුව කථානායකවරයාට එරෙහිව නියෝජ්‍ය මහ ලේකම් චමින්ද කුලරත්න විසින් අල්ලස් චෝදනා 08ක් ඉදිරිපත් කර ඇත.

01. නීති විරෝධී ලෙස වාහන අවභාවිතය.

02. ඉන්ධන දීමනා දෙකක් ලබා ගැනීම.

03. පාර්ලිමේන්තුවේ මාධ්‍ය අංශය සතු උපකරණ අවභාවිතය.

04. නියමිත මුදල ගෙවන්නේ නැතිව පාර්ලිමේන්තු ගිණුම යටතේ අමතර දිවා ආහාර පහසුකම් ලබා ගැනීම.

05. නීති විරෝධී ලෙස විමර්ශන නිලධාරියෙක් පත් කර ඔහුට පාර්ලිමේන්තු ගිණුමෙන් මුදල් ගෙවන අතර ආහාර සහ ප්‍රවාහන පහසුකම් ලබාදීම.

06. නීති විරෝධී ලෙස රජයට අයත් නිල නිවාස දෙකක් භාවිත කිරීම.

07. තොරතුරු දැන ගැනීමේ පනත යටතේ ඉල්ලා සිටින ලද තොරතුරු දීම නීති විරෝධී ආකාරයෙන් ප්‍රතික්ෂේප කිරීම.

08. පාර්ලිමේන්තු කාර්ය මණ්ඩල පරිපාලනයට අනීතික ලෙස මැදිහත් වීම.

මේ අතර වැඩ තහනමට ලක්වූ පාර්ලිමේන්තුවේ නියෝජ්‍ය මහ ලේකම් චමින්ද කුලරත්නට එරෙහිව අල්ලස් හෝ දූෂණ කොමිෂන් සභාවට ලැබුණු පැමිණිල්ල විභාග කිරීමට ද එම කොමිෂන් සභාව තීරණය කර ඇත.