අද (07) දින මධ්යම රාත්රීයේ සිට රයිස්, බුරියානි සහ නාසිගුරන් යන ආහාරවල මිල ගණන් ඉහළ දැමීමට තීරණය කළ බව ආපනශාලා හිමියන්ගේ සංගමය සඳහන් කරයි.
ඒ අනුව රයිස්, බුරියානි සහ නාසිගුරන් යන ආහාරවල මිල රුපියල් 25කින් ඉහළ දමා ඇති බව ආපනශාලා හිමියන්ගේ සංගමය සඳහන් කරයි.
මේ අතර ලාෆ් ගෑස් භාවිත කර ආපනශාල පවත්වාගෙන යන වෙළෙඳසැල්වල ප්ලේන් ටී සහ කිරි තේ මිල ගණන් ඉහළ නංවා ඇති බව ආපනශාලා හිමියන්ගේ සංගමයේ සභාපති හර්ෂණ රුක්ෂාන් සඳහන් කරයි.
එවැනි වෙළෙඳසැල් 25% – 30% ත් අතර ප්රමාණයක් පවතින අතර ඔවුන්ට ලාෆ් ගෑස් මිල දරා ගැනීමට නොහැකි තත්ත්වයකට පත්ව ඇති බවද සභාපති හර්ෂණ රුක්ෂාන් සඳහන් කරයි.
ඒ අනුව ලාෆ් භාවිතයෙන් පවත්වාගෙන යනු ලබන වෙළෙඳසැල් වල ප්ලේන් ටී එකක් රුපියල් 5කින් සහ කිරි තේ එකක් රුපියල් 10කින් ඉහළ නංවා ඇත.
කෙටි ආහාර වර්ග රුපියල් 5කින් ඉහළ නංවා ඇති අතර බිත්තර රොටිවල සහ පරාටා වල මිල වැඩිවීමක් නොමැති බවද සභාපති හර්ෂණ රුක්ෂාන් සඳහන් කරයි.
