ශ්රී ලංකාවට දකුණු දෙසින් වූ ගැඹුරු මුහුදේ මත්ද්රව්ය අඩංගු බවට සැකකෙරෙන උර තොගයක් ප්රවාහනය කරමින් සිටි දේශීය බහුදින ධීවර යාත්රාව මේ වනවිට දික්ඕවිට ධීවර වරායට රැගෙන විත් ඇත.
ශ්රී ලංකා නාවික හමුදාවේ දිගුදුර මෙහෙයුම් නෞකා ඒකකය මගින් සිදුකළ මෙහෙයුමක් මත මෙම යාත්රාව සහ ධීවරයින් පිරිස (16) දින අත්අඩංගුවට ගත්තේය.
ගොඩබිමට රැගෙන ඒමෙන් පසු අදාළ මත්ද්රව්ය පරීක්ෂා කිරීමෙන් පසු ඒ තුළ තිබූ මත්ද්රව්ය හෙරොයින් මත්ද්රව්ය බවට අනාවරණය වූ බව මත්ද්රව්ය නාශක කාර්යාංශය සඳහන් කරයි.
එම උර තොගය තවදුරටත් පරීක්ෂාවට ලක් කිරීමට සහ කිරුම් කටයුතු කිරීමට නියමිත අතර අත්අඩංගුවට ගත් සැකකරුවන් වැඩිදුර විමර්ශන හා නීතිමය කටයුතු සඳහා භාරදීමට නියමිතව ඇත.
