අද (02) දින පෞද්ගලික අංශයෙන් විදුලිය මිලදීගැනීම ආරම්භ කරන බවත් පළමුවෙන්ම ඒ.එස්. ඇඹිලිපිටිය බලාගාරය දකුණු පළාතට සම්බන්ධ කරන බවද විදුලිබල හා බලශක්ති අමාත්ය කංචන විජේසේකර සදහන් කරයි.
පෞද්ගලික අංශයෙන් මිලදී ගන්නා විදුලි ඒකකයක් මණ්ඩලයේ බොහෝ බලාගාරවල ඒකක පිරිවැයට වඩා අඩු බැවින් ඒ.එස්. මාතර බලාගාරයෙන් සහ ඒ.එස්. ඇඹිලිපිටිය බලාගාරයෙන් විදුලිය මිලදී ගැනිමට නියමිත බවද අමාත්යවරයා සදහන් කරයි.
ඒ අනුව පෞද්ගලික විදුලි සැපයුම් සමාගම් වන ඒ.එස්. මාතර බලාගාරයෙන් විදුලි ඒකකයක් රුපියල් 55 කට සහ ඒ.එස්. ඇඹිලිපිටිය බලාගාරයෙන් විදුලි ඒකකයක් රුපියල් 54 කට මිලදී ගන්නා බවද අමාත්යවරයා සදහන් කරයි.
එම බාලාගාරවලට අවශ්ය දැවිතෙල් සඳහා සංස්ථාවට මුදල් විදුලිබල මණ්ඩලයෙන් ගෙවන බවත් ඒ.එස්. මාතර බලාගාරයෙන් හිමිකරුවන්ට ඒකකයකට රුපියල් 8.01 ක් සහ ඒ.එස්. ඇඹිලිපිටිය බලාගාරයේ හිමිකරුවන්ට ඒකකයකට රුපියල් 7.91 ක් ගෙවන බවද අමාත්යවරයා සදහන් කරයි.