අවුරුදු නිවාඩුව ගත කිරීම සඳහා මෙරට පාර්ලිමේන්තු මැති ඇමති වරුන්ගෙන් විස්සකට අධික පිරිසක් විදේශගතව සිටින බව පාර්ලිමේන්තු ආරංචි මාර්ගවලින් පවසයි.
මෙසේ විදේශගතව සිටින මැති ඇමතිවරුන් අතර හිටපු ජනාධිපති පාර්ලිමේන්තු මන්ත්රී මෛත්රිපාල සිරිසේන, අධ්යාපන අමාත්ය ආචාර්ය සුසිල් ප්රේමජයන්ත, රාජ්ය අමාත්ය ෂෙහාන් සේමසිංහ, රාජ්ය අමාත්ය ප්රමිත බණ්ඩාර තෙන්නකෝන් සහ මන්ත්රී ජනක බණ්ඩාර තෙන්නකෝන් අදී පිරිසක් ඇතුලත් බව පැවසේ.
එසේ විදේශගත වූ මැති ඇමති වරුන්ගෙන් සමහරක් විදේශයන්හි අධ්යාපනය ලබන සිය දූ දරුවන් දැක බලා ගැනීම සඳහා මෙසේ ගොස් සිටින බව පැවසේ.
මේ අතර මන්ත්රීවරු තවත් විශාල පිරිසක් අවුරුදු නිවාඩුව ගත කිරීම සඳහා නුවරඑළියට ගොස් සිටිතින බවත් නුවරඑළිය පාර්ලිමේන්තු නිවාඩු නිකේතන පිරී ගොස් ඇති බවත් පාර්ලිමේන්තු ආරංචි මාර්ග සඳහන් කරයි.
පාර්ලිමේන්තුව ඉකුත් 3 වැනිදා අවසන් වරට රැස්වීමෙන් පසු ලබන 24 වැනිදා දක්වා කල්තැබිණ. මේ අනුව සති තුනකට ආසන්න කාලයක් මන්ත්රීවරුන්ට නිවාඩු ලැබී ඇත.