සිංහල ගීත ක්ෂේත්රයේ ප්රමුඛතම කාන්තා සලකුණ ලෙස දශක ගණනක් පුරා අද්විතීය ගායන මෙහෙවරක නිරත වූ ආචාර්ය නන්දා මාලනියගේ අවසන් කටයුතු ගැන දැනුම්දීමක් කර ඇත.
ආචාර්ය නන්දා මාලනියගේ අවසන් කැමති පත්රයේ සඳහන් පරිදි අවමංගල්ය කටයුතු සිදු කරන බව මහාචාර්ය සුනිල් ආරියරත්න සඳහන් කරයි.
අවසන් කටයුතු සිදුකෙරෙන අවස්තාවේදි අවමංගල්ය සභාවක් පැවැත් වීම හෝ ශෝක ප්රකාශ කිරීමක් සිදු නොවන බවද මහාචාර්ය සුනිල් ආරියරත්න සඳහන් කරයි.
මහාචාර්ය සුනිල් ආරියරත්න සඳහන් කළේ,
“නන්දා මාලිනී මහත්මිය තමන්ගේ අන්තිම කැමති පත්රයේ තමන්ගේ අවමංගල්ය කටයුතු කළ යුතු විදිහ ලියලා තියෙනවා. ඉතින් අපි පවුලේ සියලු දෙනා ඒ අවසන් කැමති පත්රයේ තිබුණු විදිහට තමයි කටයුතු කරන්නේ.
ඒ අනුව සිකුරාදා උදේ 10.00ට නන්දා මාලිනී මහත්මියගේ දේහය ඇය පදිංචි වෙලා හිටිය නාවල පාර අංක 30, විජයබා මාවත, නන්දා මාලිනී සංගීත ආශ්රමයට ගෙන එනවා.
ඊට පස්සේ ඇයගේ දේහය සෙනසුරාදා පස්වරු 3:30 දක්වා මහජන ගෞරවය දක්වා නිවසේම තැන්පත් කරනවා. ඇය කියලා තියෙනවා මගේ නිවසින් පිට මගේ දේහය ගෙනියන්න එපා, හැකිතාක් චාම් විදිහට මේ කටයුතු කරන්න කියලා.
දේහය එදින පස්වරු 3:30ට දේහය බොරැල්ල සුසාන භූමිය වෙත ගෙන යනවා. අනතුරුව පස්වරු 5:00ට ආදාහන කටයුතු සිදු කෙරෙනවා.”
ලාංකීය ගීතයේ සුභාවිත සලකුණ ආචාර්ය නන්දා මාලනියගේ අභාවය හේතුවෙන් අද (21) හෙට (22) හා අනිද්දා ජාතික ශෝක දින ලෙස නම් කිරීමට රජය තීරණය කළේය.
