නේපාලයේ චීන සහ ටිබෙට් දේශසීමා ආසන්නයේ පිහිටි රසුවා ප්රදේශයට බලපෑ හදිසි ගංවතුර තත්ත්වයෙන් මේ වනවිට පුද්ගලයින් 31 දෙනෙකු මියගොස් ඇති බව විදෙස් මාධ්ය වාර්තා කරයි.
තවද පුද්ගලයින් 93 දෙනෙකු තුවාල ලබා ඇති බවත් තවත් පුද්ගලයින් 200කට අධික පිරිසක් අතුරුදන් වී ඇති බවද විදෙස් මාධ්ය වාර්තා කරයි.
දේශසීමාව ආසන්නයෙන් ගලායන බෝත්කොෂි ගංගාව ඔස්සේ හිම දියවීම හේතුවෙන් ඇති වූ විශාල ජල ප්රමාණයක් එකවර ගලා ඒම හේතුවෙන් මෙම හදිසි ගංවතුර තත්ත්වය ඇතිව තිබේ.
ගංවතුර තත්ත්වය හේතුවෙන් බෝත්කොෂි ගංගාව ආසන්නයේ ගමන් කරන මහා මාර්ගයක් සම්පූර්ණයෙන්ම යටව ගිය අතර චීන දේශසීමාවේ පිහිටි චීන රජයට අයත් ගොඩනැගිල්ලක් සම්පූර්ණයෙන් විනාශයට පත්ව ඇත.
නේපාල දේශසීමාවේ පිහිටි ග්ලැසියරයකින් අයිස් සහ ගල් සහිත නායයෑමක් සිදුවී භෝටේ කොෂි ගඟේ අතු ගංගාවක් වන ලෙන්ඩේ කොලා ගඟ අවහිර වීමත් සමඟ මෙලෙස විනාශකාරී ජල ගැලීමක් හටගෙන ඇත.
මෙම ගංවතුර තත්ත්වය නේපාලයේ රසුවා දිස්ත්රික්කයේ කඳුකර ප්රදේශවලට දැඩි ලෙස බලපෑ අතර,ප්රදේශයේ යටිතල පහසුකම්, මාර්ග, පාලම් සහ විදුලි බලාගාර ව්යාපෘති විනාශ වී ගොස් ඇති බව විදෙස් මාධ්ය වාර්තා කරයි.
මේ අතර හදිසි ගංවතුර තත්ත්වයෙන් කිසිදු ශ්රී ලාංකිකයෙකුට අනතුරක් සිදුව නොමැති බව විදේශ කටයුතු අමාත්යාංශය සඳහන් කරයි.
