26 හැවිරිදි ගැබිණි කාන්තාවකට තියුණු ආයුධයකින් පහරදී ඝාතනය කිරීමේ පුවතක් වාර්තා වේ.
කල්පිටිය, පාලකුඩාව ප්‍රදේශයේදී ඊයේ (03) දින දහවල් තියුණු ආයුධයකින් එම කාන්තාවට පහරදී ඇති අතර එහිදී තුවාල ලැබූ කාන්තාව කල්පිටිය රෝහලට ඇතුළත් කිරීමෙන් පසු මියගොස් ඇත.
මියගිය කාන්තාව සිය ස්වාමිපුරුෂයාගෙන් වෙන්වී වෙනත් පුද්ගලයෙකු සමඟ ජීවත්ව සිට ඇති අතර එහිදී පවුල් ආරවුලක් දුරදිග යාම හේතුවෙන් එම පුද්ගලයා තියුණු ආයුධයකින් පහරදී මෙම ඝාතනය සිදුකර ඇත.
එම ඝාතන සිද්ධිය සම්බන්ධයෙන් 36 හැවිරිදි සැකකරු අත්අඩංගුවට ගෙන ඇති අතර කල්පිටිය පොලීසිය වැඩිදුර විමර්ශන සිදුකරයි.
