නේපාල හදිසි ගංවතුර තත්ත්වය හේතුවෙන් පීඩාවට පත්ව සිටින ජනතාවට සහන සැලසීම සඳහා ශ්රී ලංකා රජය අමෙරිකානු ඩොලර් මිලියනයක මූල්ය ආධාරයක් ලබාදීමට තීරණය කර ඇත.
ජීවිත හානි, අවතැන්වීම් සහ අති මහත් විනාශයක් සිදුකළ ව්යසනකාරී ගංවතුර සහ නායයෑම් හේතුවෙන් විපතට පත් නේපාල ජනතාව වෙත ශ්රී ලංකාව දක්වන සහයෝගිතාව පෙන්නුම් කරමින්, නේපාලයේ අඛණ්ඩ මානුෂිය සහ සහන කටයුතු සඳහා සහාය වීමේ ප්රයත්නයක් වශයෙන්, අමෙරිකානු ඩොලර් මිලියනයක මූල්ය ආධාරයක් ලබා දෙන ලෙස ජනාධිපති අනුර කුමාර දිසානායක රජයට උපදෙස් දී ඇත.
මෙම ඛේදජනක ජිවිත හානි සහ ව්යසනයෙන් ඇති වූ පීඩාකාරී තත්ත්වය සම්බන්ධයෙන්, විශේෂයෙන් තම ආදරණීයන් අහිමි වූ පවුල් වලට, නේපාල රජයට සහ ජනතාවට, ශ්රී ලංකා රජය සහ ජනතාව වෙනුවෙන්, ජනාධිපතිවරයා සිය හෘදයාංගම ශෝකය පළ කළේය.
ශ්රී ලංකාව සහ නේපාලය අතර සමීප සහ දිගුකාලීන මිත්රත්වයේ සහ සහයෝගිතාවයේ බැඳීම් සිහිපත් කරමින්, මෙම හදිසි ව්යසනයේදී ශ්රී ලංකාව, නේපාල ජන්තාව සමඟ ශක්තිමත්ව අත්වැල් බැඳගන්නා බවද ජනාධිපතිවරයා අවධාරණය කළේය.
