2024 වර්ෂය තුළ ජනාධිපති අරමුදලේ සිදුවූ මුල්ය අක්රමිකතා පිළිබඳව නවතම විගණන වාර්තාවකින් අනාවරණය වී ඇත.
රුපියල් කෝටි 944කට වැඩි මුදලක් අනුමැතියකින් තොරව ආයෝජනය කර ඇති බව විගණනයේ දැක්වෙයි.
යම් මුදලක් ආයෝජනය කළ හැකි වන්නේ ජනාධිපතිවරයා දෙනු ලබන විධි විධානවලට අනුව පමණක් බවයි එහි දැක්වෙන්නේ.
කෙසේ වෙතත් 2024 වර්ෂයේ ජූලි මස (31) වනදා සිට දෙසැම්බර් මස (31) වනදා දක්වා පාලක මණ්ඩලයේ අනුමැතියකින් තොරව මුදල් ආයෝජනය කර ඇති බව විගණනයට අනාවරණය වී ඇත.
එලෙස ඔවුන් ස්ථාවර සහ කාලීන තැන්පතු ලෙස ආයෝජනය කර ඇති සමස්ත මුදල රුපියල් කෝටි 944.7ක් වන අතර එහිදී කළමනාකාරීත්වය විගණනයට සඳහන් කර ඇත්තේ 2024 වර්ෂයේ පාලක මණ්ඩලය රැස් එක් වතාවක් පමණක් බවයි.
ඒ 2024 අගොස්තු (15) වන දින බවත් ඔවුන් සඳහන් කර තිබුණා. කෙසේ වෙතත් එම තැන්පතු සඳහා ඔවුන් අනුමැතිය ලබාගෙන තිබුණේ 2025 වර්ෂයේ ජනවාරි (28) වනදායි.
එමෙන්ම 2005 සිට 2024 දක්වා කාලය තුළ ජනාධිපති අරමුදල මගින් සලකා බැලීමකින් තොරව මන්ත්රීවරුන්ට මුදල් ලබාදීම පිළිබඳව ද කරුණු අනාවරණය වී තිබෙනවා.
ඒ අනුව පාර්ලිමේන්තු සහ පළාත් සභා මන්ත්රීවරුන් 56 දෙනෙකු වෙත වෛද්යාධාර වශයෙන් රුපියල් 131,371,110ක මුදලක් ලබාදී ඇති බවයි විගණනයේ දැක්වෙන්නේ
වෛද්යාධාර ලබා දීමේදී සලකා බලනු ලබන විධිමත් අයදුම්පත්රය, මාසික ආදායම්, ප්රාදේශීය ලේකම් වාර්තාව, මූල්ය වත්කම්, උපරීම වෛද්ය ආධාර මූල්ය සීමාවන් ආදිය ද සලකා බැලීමකින් තොරව මෙම මුදල් ලබාදී ඇති බව විගණනය අනාවරණය කර ඇත.
2024 වර්ෂයට අදාළව ජනාධිපති අරමුදලෙහි මූල්ය ප්රකාශනයේ මේ බව සඳහන් කර ඇත.
