කොළඹ හුණුපිටිය ගංගාරාම විහාරස්ථානය වෙත වැඩම කරනු ලැබූ ශ්රී සර්වඥ ධාතූන් වහන්සේ වැඳපුදා ගැනීමට ජනාධිපති අනුර කුමාර දිසානායක අද (04) එක්විය.
ඒ අනුව ඉන්දීය අග්රාමාත්ය නරේන්ද්ර මෝදීගේ මැදිහත්වීම යටතේ ඉන්දීය රජයේ පූර්ණ අනුග්රහයෙන් මෙරටට වැඩම කරවන ලද ‘ශ්රී සර්වඥ ධාතුන් වහන්සේ වන්දනාව ජනාධිපති අනුර කුමාර දිසානායකගේ ප්රධානත්වයෙන් ආරම්භ කෙරේ.
ඉන්දීය රජයේ පූර්ණ අනුග්රහයෙන් අද (04) දින මෙරටට වැඩම කෙරුණු ශ්රී සර්වඥ ධාතූන් වහන්සේ, ඉන්දියාවට අයත් විශේෂිත ගුවන් යානයකින් මෙරටට වැඩම කරවීම සිදු කෙරුණි.
ජනාධිපතිවරයා විසින් ශ්රී සර්වඥ ධාතුන් වහන්සේ වෙත ප්රථම පුෂ්පෝපහාරය සිදු කිරීමත් සමඟ මෙරට ජනතාවට මෙම ධාතුන් වහන්සේ වැඳ පුදා ගැනීමේ අවස්ථාව උදා වේ.
සර්වඥ ධාතු වන්දනාව හෙට (05) සිට පෙබරවාරි (11) වනදා දක්වා දින හතක කාලයක් කොළඹ හුණුපිටිය ගංගාරාම විහාරස්ථානයේදී පැවැත්වේ.
