දිවයින පුරා ඉන්ධන පිරවුම්හල් මගින් මින් ඉදිරියට “QR” ක්රමය හරහා ඉන්ධන නිකුත් කිරීම ගැන ලංකා ඛනිජ තෙල් නීතිගත සංස්ථාව දැනුම්දීමක් කර ඇත.
ඒ අනුව මින් ඉදිරියට පොලීසියේ මැදිහත්වීමෙන් ඉන්ධන පිරවුම්හල් මගින් “QR” ක්රමය යටතේ පමණක් ඉන්ධන ලබාදීම සිදුකරන බව ලංකා ඛනිජ තෙල් නීතිගත සංස්ථාවේ සභාපති ඩී. ජේ. රාජකරුණා සඳහන් කරයි.
මේ වනවිට ඉන්ධන ඇනවුම් ලැබෙමින් පවතින බවත් ලබන මාසය අවසන් වෙනකම් ඒ සම්බන්ධයෙන් ගැටළුවක් නොමැති බවද සංස්ථාවේ සභාපති ඩී. ජේ. රාජකරුණා සඳහන් කරයි.
අද (15) පස්වරුවේ විශේෂ ප්රවෘත්ති සාකච්ඡාවක් පවත්වමින් සභාපති ඩී. ජේ. රාජකරුණා සඳහන් කළේ,
“අපේ ඇනවුම් ඒ විදියටම ලැබෙමින් පවතිනවා. ඒ නිසා ලබන මාසේ අවසන් වෙනකම් ඒ පිළිබඳ ගැටළුවක් නෑ. “QR” කේත ක්රමය අද සිට ක්රියාත්මක වෙනවා ගැටලුවක් තියෙන්න ඇති ජනතාවට.
ඒ නිසා පෝලින්වල ඉදලා ඉන්ධන ලබා ගත්තා. නමුත් දැන් ඉදලා පෝලින්වල ඉදලා තෙල් ගහගන්න ඕනේ වෙන්නේ නෑ. මොකද සාමාන්ය ලෙස තෙල් පරිභෝජනය කරන අයගේ මේ වනවිට තෙල් ප්රමාණය නිෂ්චිත කරලා ෂෙඩ්වල ඉතුරු කරලා තියෙනවා.
මොකද සතියකට අවශ්ය තෙල් කෝටාව තීන්දු කරලා තියෙනවා ඒ තෙල් ප්රමාණය ඕනෑම මොහොතක ගහගන්න පුළුවන්. ආපහු පෝලින්වල ඉදලා ගහගන්න ඕනේ නෑ.
අද උදේ ෂෙඩ්වල සහ වෙබ් අඩවිවල යම් තාක්ෂණික ගැටලු ටිකක් මතු වෙලා තිබුණා. මේ වනවිට ඒ සියල්ල සකසලා තියෙන්නේ. රටේ තියෙන සියලුම පිරවුම්හල්වලට “QR” කේත ක්රමය යටතේ ස්කෑන් කරලා තෙල් දෙන්න පුළුවන්.
ඒ නිසා රටේ කිසිදු කෙනෙකුට “QR’ ක්රමයෙන් පිට තෙල් ගසා ගැනීමට අවශ්යතාවක් නෑ. පෝලින්වල ඉන්න ඕනේ නෑ. ඒ සඳහා පොලීසිය මැදිහත් වෙවී. අනවශ්ය ලෙස පොලින්වල ඉදලා තෙල් ලබාගන්න අයට මින් ඉදිරියට ඒක ලැබෙන්නේ නෑ.
එමෙන්ම පිරුවුම්හල්වල අයටත්, “QR” එකෙන් කොච්චර ගිහින්ද, අපි ලබා දුන්න තොගය කෙච්චරක්ද ඒ දෙක අතර යම් වෙනසක් තියෙනවා නම් ඒකට දැඩි ක්රියා මාර්ග ගන්නවා. ඉස්සර වගේ නෙමෙයි බලපත්රය අහෝසි වෙන්න පුළුවන්.
මගී ප්රවාහන බස් රට වලටත් CTB එක හරහා දෙන්වා කලින් දුන්නා වගේ. කෙටි කාලයක් අතුළත ඒ අයට ගමන් මාර්ගය අනුව කොච්චර තෙල් ප්රමාණයක් අවශ්ය වෙනවාද.? දවසකට කොච්චර දුවනවාද.? කියලා.
ඒ අනුව ආය “QR” කේතය වෙනස් කරලා ලබා දෙනවා. ධීවර සහ ගොවිතැන් කිරීම සඳහා අවශ්ය ඉන්ධන නිසි ආකාරව ලබාදීමට කටයුතු කරනවා.”