අද (18) අම්බලන්තොට – කතරගම ප්රධාන මාර්ගයේ වීරවිල තුරුසෙවණ මංසන්ධියේදී ලංගම බස් රථ දෙකක් මුහුණට මුහුණ ගැටී බිහිසුණු අනතුරක් සිදුව ඇත.
මෙම බිහිසුණු බස් අනතුරින් පුද්ගලයින් 4 දෙනෙකු ජීවිතක්ෂයට පත්ව ඇති බවත් 40 දෙනෙකු තුවාල ලබා රෝහල්ගත කර ඇති බව පොලීසිය සඳහන් කරයි.
කොළඹ – කතරගම ධාවනය බස් රථයක් සහ තිස්ස – කරාපිටිය බලා ධාවනය වන ලංගම බස්රථයක් මුහුණට මුහුණ ගැටී මෙම අනතුර සිදුව ඇත.
කුඹුරුවල ඉපනැල්ලට ගිනිතැබීමත් සමග ඇතිවූ දුම් ප්රධාන මාර්ගය වැසීයාමත් සමග රියදුරන්ට මාර්ගය අපහැදිලි වීම හේතුවෙන් මෙම අනතුර සිදුවන්නට ඇති බවට සැක කරයි.
කෙසේ වෙතත් මෙම බිහිසුණු බස් අනතුරට හේතුව තවමත් පොලීසිය ප්රකාශ කර නොමැත.