පාසල් සිසුවියන්ගේ අඛණ්ඩ අධ්යාපනය තහවුරු කිරීමේ අරමුණින් වැඩි වියට පත් පාසල් සිසුවියන් සඳහා සනීපාරක්ෂක තුවා ලබාදීමේ වැඩසටහන, මෙම වසරේදී සියලුම රජයේ පාසල්වල 6 ශ්රේණියෙන් ඉහළ සහ රජයේ උපකෘත විශේෂ පාසල්වල වැඩිවියට පත් මිලියන 1.05ක් පමණ වූ සිසුවියන් සංඛ්යාවක් ආවරණය වන පරිදි ක්රියාත්මක කිරීමට සැලසුම් කර ඇත.
ඒ අනුව එක් සිසුවියකට රුපියල් 1,440ක් වන සේ රුපියල් 720ක වටිනාකමින් යුත් තිළිණ පත් දෙකක් බැගින් ලබාදීමට තීරණය කර ඇත.
සිය අභිමතය පරිදි රුපියල් 120 බැගින් වූ තුවා 08ක් සහිත පැකට් 12ක් හෝ රුපියල් 180 බැගින් වූ තුවා 10ක් සහිත පැකට් 08ක් වර්ෂය තුළදී මිලදී ගැනීමට අවස්ථාව සැලසෙන අයුරින් 2026 වසරේදී පාසල් සිසුවියන් සඳහා සනීපාරක්ෂක තුවා ලබා දීමේ වැඩසටහන ක්රියාත්මක කිරීමටත් අධ්යාපන, උසස් අධ්යාපන සහ වෘත්තීය අධ්යාපන අමාත්ය වශයෙන් අග්රාමාත්යවරිය ඉදිරිපත් කළ යෝජනාව අමාත්ය මණ්ඩලය විසින් අනුමත කරන ලදී
