නාසා ආයතනය (NASA) අප්රේල් (01) වන දින ගගනගාමීන් හතර දෙනෙකුගෙන් යුත් කණ්ඩායමක් සඳ වටා ගමනක් දියත් කිරීමට නියමිතය.
පසුගිය 1972 වසරේ සිට වසර පනහකට වැඩි කාලයකට පසුව පළමුවරට මිනිසුන් රැගෙන සඳ දෙසට යෑමට නියමිත ‘ARTEMIS – II’ මෙහෙයුම සඳහා තෝරාගත් ගගනගාමීන් ෆ්ලොරිඩාවට පැමිණ ඇත.
රීඩ් වයිස්මන්, වික්ටර් ග්ලෝවර් සහ ක්රිස්ටිනා කොච්, කැනේඩියානු අභ්යවකාශ ඒජන්සියේ ගගනගාමී ජෙරමි හැන්සන් යන නාසා අභ්යවකාශගාමීන් මෙලෙස තෝරාගෙන ඇත.
අදාළ මෙහෙයුම අප්රේල් (01) වැනිදා දියත් කිරීමට නියමිත අතර එය ෆ්ලොරිඩාවේ කෙනඩි අභ්යවකාශ මධ්යස්ථානයෙන් සඳ බලා පිටත්ව යෑමට නියමිත බව නාසා ආයතනය සඳහන් කරයි.
අදාළ ගමන දින 10කින් සමන්විත අතර එම ගගනගාමින් ඔරියන් කැප්සියුලයකින් මෙම ගමන සිදුකිරීමට නියමිත අතර ඔවුන් වසර දෙකකට වැඩි කාලයක් පුහුණුව ලබා ඇති බවද සඳහන් කරයි.
මෙම මෙහෙයුමේ නියමුවා වික්ටර් ග්ලෝවර් වන අතර ඔහු සඳ අසලින් ගමන් කරන පළමු කළු ජාතික ගගනගාමියා වන බවත් ක්රිස්ටිනා කොච් පහළ පෘථිවි කක්ෂයෙන් ඔබ්බට යන පළමු කාන්තාව බවත් ජෙරමි හැන්සන් පළමු අමෙරිකානු නොවන ජාතිකයා වේ.
