එකල පැවති දේශපාලන වාතාවරණය මත ආරක්ෂක අමාත්යාංශය විසින් සිවනේසතුරෛයි චන්ද්රකාන්තන් හෙවත් පිල්ලෙයාන්ට ගිනිඅවි 399ක් ලබාදී තිබෙන බව (02) දින ගල්කිස්ස මහේස්ත්රාත් අධිකරණයේදී අනාවරණය විය.
ඒ අනුව එකල ආරක්ෂක අමාත්යාංශය විසින් සිවනේසතුරෛයි චන්ද්රකාන්තන් හෙවත් පිල්ලෙයාන්ගේ පාර්ශ්වයට T56 ගිනිඅවි 362ක්, 9mm වර්ගයේ ගිනිඅවි 36ක් සයි මයික්රෝ වර්ගයේ එක් ගිනිඅවියක් නිකුත් කර ඇත.
කෙසේ වෙතත් එම ගිනිඅවි සියල්ල නැවත ආරක්ෂක අමාත්යාංශයට ලබාදී නොමැති බව, එහිදී අධිකරණය හමුවේ කරුණු දක්වමින් අපරාධ පරීක්ෂණ දෙපාර්තමේන්තුවේ විමර්ශන නිලධාරීන් සඳහන් කරයි.
පිල්ලෙයාන් සෙවනපිටිය ප්රදේශයේ වධකාගාරයක් පවත්වාගෙන ගොස් තිබෙන බවත් එම ස්ථානයට සිවිල් පුද්ගලයින්, ව්යාපාරිකයන්, රාජ්ය සේවකයින්, පොලිස් නිලධාරීන් ගෙනගොස් දරුණු වධහිංසාවට ලක්කිරීම්, කප්පම් ගැනීම් සහ ඝාතනය කිරීම් සිදුකර තිබෙන බවද අනාවරණය වී ඇත.
