හිටපු ජනාධිපති රනිල් වික්රමසිංහ කොළඹ කොටුව මහෙස්ත්රාත් අධිකරණය වෙත පැමිණ ඇත.
පොදු දේපළ පනත යටතේ චෝදනා ඉදිරිපත් කර රනිල් වික්රමසිංහට එරෙහිව ගොනුකර ඇති නඩුව අද (08) දින කොළඹ කොටුව මහෙස්ත්රාත් අධිකරණයේදී යළි කැඳවීමට නියමිතය.
රනිල් වික්රමසිංහ සිය ජනාධිපති ධුරය දැරූ කාලසීමාව තුළ ඔහුගේ බිරිඳ වන මහාචාර්ය මෛත්රී වික්රමසිංහගේ උපාධි ප්රධාන උත්සවයට සහභාගී වීම සඳහා ලන්ඩනයට යාමට රුපියල් ලක්ෂ 166කට අධික රජයේ මුදල් අවභාවිත කිරීමේ චෝදනාව සම්බන්ධව මෙම පැමිණිල්ල ගොනුකර ඇත.
ඒ අනුව රාජ්ය මුදල් අවභාවිතා කළ හිටපු ජනාධිපති රනිල් වික්රමසිංහ සහ හිටපු ජනාධිපති ලේකම් සමන් ඒකනායකට අදාළ පැමිණිල්ලේ පරීක්ෂණවල ප්රගතිය අද (08) දින අධිකරණයට දැනුම් දීමට නියමිතය.