මහනුවර ශ්රී දළදා මාලිගාවේ වාර්ෂික ඇසළ පෙරහැර මංගල්යයේ පළමු චාරිත්රය වන කප් සිටුවීම එළඹෙන අගෝස්තු මස (13) වැනිදා පෙ.ව. 6යි 17ට යෙදෙන සුබ නැකතට සිදු කෙරෙන බව දියවඩන නිලමේ ප්රදීප් නිලංග දෑල සඳහන් කරයි.
අගොස්තු (13) වැනිදා කප් සිටුවීමෙන් පසු (17) වැනිදා දක්වා දින 5ක් නාථ, විෂ්ණු, පත්තිනි හා කතරගම යන සිව් මහා දේවාලයන්හි අභ්යන්තර පෙරහැර පැවැත්වේ.
පළමු කුඹල් පෙරහැර (18) වැනිදා වීථි සංචාරය කිරීම ආරම්භ වන අතර එතැන් සිට (22) වැනිදා දක්වා එම පෙරහැර පැවැත්වේ.
පළමු රන්දෝලි පෙරහැර (23) වැනිදා වීථි සංචාරය ආරම්භ වන අතර අවසන් මහා රන්දෝලි පෙරහැර (27) වැනිදා පැවැත්වීමට නියමිතය.
අනතුරුව අගෝස්තු (28) වැනිදා දිය කැපීමේ පෙරහැර හා දහවල් පෙරහැර පැවැත්වීමට කටයුතු යොදා ඇත.
අද (08) පස්වරුවේ දළදා මාලිගය පරිශ්රයේ පැවැති සාකච්ඡාවේදී දියවඩන නිලමේ ප්රදීප් නිලංග දෑල මේ බව සඳහන් කරයි.
