හමුදා මූලස්ථානය පිහිටි ඉඩම ෂැංග්රිලා හෝටලයට විකිණීමේදී හිටපු ජනාධිපති මහින්ද රාජපක්ෂ ඩොලර් මිලියන 5ක (කෝටි 100) අල්ලස් මුදලක් ගැනීම සම්බන්ධයෙන් අල්ලස, දූෂණයට නාස්තියට එරෙහි පුරවැසි බලය සංවිධානය අල්ලස් හෝ දූෂණ විමර්ශන කොමිෂන් සභාවට පැමිණිල්ලක් කළේය.
ඒ අනුව ඩොලර් මිලියන 05 (කෝටි 100) ක් අල්ලස් වශයෙන් සිංගප්පූරුවේ විදම්බරම් නමැති පුද්ගලයකු ලබා දී ඇති දිවුරුම් ප්රකාශයකට අනුව, ටී.පී.එල්. ඉත්මා (TPL Itma) සමාගම සහ හෙලියාට් (Heliat) නමැති උපදේශන සමාගම මඟින් මෙම මුදල් ලබාදී ඇති බවට එම පැමිණිල්ලේ දක්වා ඇත.
ඒ අනුව හමුදා මූලස්ථානය පිහිටි ඉඩම ෂැංග්රිලා හෝටලයට විකිණීමේදී අමෙරිකානු ඩොලර් මිලියන 5ක (කෝටි 100ක) අල්ලස් මුදලක් මහින්ද රාජපක්ෂ ලබාගත් බවට සිදු කරන විමර්ශනයක් සඳහා ප්රකාශයක් ලබාදීමට හිටපු මන්ත්රී සජින් වාස් ගුණවර්ධන අල්ලස් කොමිසම හමුවට (27) දින පැමිණ ඇත.
සජින් වාස් ගුණවර්ධන මාධ්ය හමුවේ ප්රකාශ කළ කරුණු උපුටා දක්වමින් මෙම පැමිණිල්ල ඉදිරිපත් කර ඇති අතර එම මුදල් තංගල්ල ප්රදේශයේ හෝටලයක් මිලදී ගැනීමට සහ සී.එස්.එන්. (CSN) මාධ්ය ජාලයට ලබාදී ඇති බවද එහි සඳහන් කිරීම හේතුවෙන් ඔහුගෙන් ප්රකාශයක් ලබා ගැනීම සඳහා ඔහු කොමිසම වෙත කැඳවා ඇත.
අල්ලස් හෝ දූෂණ විමර්ශන කොමිෂන් සභාව කළ දැනුම් දීමකට එහි පැමිණි හිටපු මන්ත්රී සජින් වාස් ගුණවර්ධන පැය තුනකට ආසන්න කාලයක් ප්රකාශයක් ලබාදී ඉන් පිටව ගොස් ඇත.
