මිස්ටර් කොත්තු (Mr. Koththu) අවන්හල් ජාලය වසා දැමීමට තීරණය කර ඇති බව එහි හිමිකරු විරාජ් වික්රමනායක සඳහන් කරයි.
ඒ අනුව මිස්ටර් කොත්තු (Mr. Koththu) අවන්හල් ජාලය තවත් දින 14කින් සම්පූර්ණයෙන්ම නවතා දමන බව විරාජ් වික්රමනායක සඳහන් කරයි.
නුගේගොඩ, මහරගම, පන්නිපිටිය, මාලඹේ සහ පිළියන්දල යන ශාඛා පහ පමණක් විවෘතව පවතින අතර අවසන් වරට රස විඳීමට කැමති පාරිභෝගිකයන්ට එම ස්ථාන වෙත පැමිණිය හැකි බවද විරාජ් වික්රමනායක සඳහන් කරයි.
තවද කිරිබත්ගොඩ, කඩුවෙල සහ ගොඩගම යන ශාඛාවල පවතින උපකරණ සහ එම ස්ථාන නව ව්යාපාරිකයන් වෙත ලබාදීමට කටයුතු කරමින් සිටින බවද විරාජ් වික්රමනායක සඳහන් කරයි.
