හිටපු අමාත්ය ප්රසන්න රණතුංගට එරෙහි නඩු කරය අද (04) දින කොළඹ ප්රධාන මහෙස්ත්රාත් අසංග එස් බෝදරගම ඉදිරියේ කැඳවනු ලැබීය.
එහිදී අල්ලස් කොමිසම විසින් විමර්ශන පිළිබඳ වාර්තාවක් අධිකරණයට ඉදිරිපත් කළේය.
එහිදී සිය සේවාදායකයාට ජර්මනිය සහ ඩුබායි රාජ්යයන්ට යාම සඳහා වීසා බලපත්ර ලබාගැනීමට අවශ්යව තිබෙන බැවින් දැනට ඇප මත මුදාහැර තිබෙන විදේශ ගමන් බලපත්රය තවදුරටත් ඔහු භාරයේ තබාගැනීමට අවසර දෙන ලෙස, සැකකරු වෙනුවෙන් පෙනී සිටි ජනාධිපති නීතිඥවරයා ඉල්ලා ඇත.
ඒ අනුව පෙර නියම කළ පරිදි අදාළ විදේශ ගමන් බලපත්රය සැකකරු භාරයේ රඳවා ගැනීමට මහෙස්ත්රාත්වරයා අවසර ලබාදී ඇත.
අනතුරුව දූෂණ චෝදනා මත අධිකරණයට ඉදිරිපත් කර සිටින හිටපු අමාත්ය ප්රසන්න රණතුංගට එරෙහිව සිදුකරන විමර්ශනවල ප්රගතිය ඔක්තෝම්බර් මස (20) වනදා ඉදිරිපත් කරන ලෙස කොළඹ මහෙස්ත්රාත් අධිකරණය අල්ලස් කොමිසමට නියම කළේය.
