මීගමුව බන්ධනාගාරයේ ඇතිවූ ගැටුමෙන් දේපලවලට සිදුවූ හානිය රුපියල් මිලියන 100 ඉක්මවා ඇති අතර ඒ සම්බන්ධයෙන් වන විමර්ශන තවදුරටත් ක්රියාත්මක බව බන්ධනාගාර දෙපාර්තමේන්තුව සඳහන් කරයි.
පසුගිය මස (05) වැනිදා දින මීගමුව බන්ධනාගාරයේ රැඳවියන් දෙපිරිසක් අතර ගැටුමෙන් දේපල රැසකට මෙන්ම රැඳවියන් ලියාපදිංචි කිරීමේ ලේඛණ රැසකටද හානි සිදුවිය.
රැඳවියන් 2,400 ක් රඳවා තිබූ මීගමුව බන්ධනාගාරයේ දැනට රඳවා ඇත්තේ රැඳවියන් 600 දෙනෙකුට අධික සංඛ්යාවක් පමණයි.
ඇතැම් රැඳවියන්ගේ අධිකරණ කටයුතු ඔන්ලයින් තාක්ෂණය ඔස්සේ සිදුකරන බවත් ඇතැම් රැඳවියන් භෞතිකවම අධිකරණ වෙත ඉදිරිපත් කරන බව බන්ධනාගාර දෙපාර්තමේන්තුව සඳහන් කරයි.
මේ අතර කුරුවිට, පල්ලන්සේන, නව මැගසින් බන්ධනාගරවල පසුගියදා නොසන්සුන්කාරී තත්ත්වය ඇතිකරගත් රැඳවියන් සම්බන්ධව බන්ධනාගාර පාලනාධිකාරිය මගින් ආරම්භ කළ විමර්ශනයේ වාර්තාව අද (10) දිනයේ ලැබීමට නියමිත බව පොලිස් මාධ්ය ප්රකාශක සහකාර පොලිස් අධිකාරී එෆ්. යූ. වුට්ලර් සඳහන් කරයි.
