විදුලිබල සම්ප්රේෂණ උපපොළ 16ක් ආශ්රිතව ස්ථාපනය කිරීමට සැලසුම් කර ඇති වාණිජ මට්ටමේ බැටරි බලශක්ති ගබඩා පද්ධතිවල ඉදිකිරීම් කටයුතු මේ වනවිට අවසන් අදියරට පැමිණ ඇත.
දිවා කාලයේ සූර්ය බල පද්ධති මඟින් නිපදවන අතිරික්ත විදුලිබලය මෙම බැටරි පද්ධති තුළ ගබඩා කර, රාත්රී කාලයේදී අවශ්යතාව අනුව ජාතික විදුලිබල පද්ධතියට නැවත මුදාහැරීමට නියමිතය.
මෙම ව්යාපෘති මඟින් අත්පත් කරගන්නා ප්රතිලාභ ඉදිරියේදී පාරිභෝගිකයන් වෙත ලබාදීමට රජය කටයුතු කරමින් සිටින බව සඳහන් කරයි.
පුද්ගලික සමාගම විසින් අනුරාධපුර උපපොළ ආසන්නයේ ඉදිකරන බැටරි බලශක්ති ගබඩා ව්යාපෘතියේ ඉදිකිරීම් කටයුතු මේ වනවිට 85%කින් පමණ අවසන් කර ඇත.
මේ හරහා ජාතික විදුලිබල පද්ධතියේ ස්ථාවරත්වය පවත්වා ගැනීමට මෙන්ම රාත්රී කාලයේ ඩීසල් විදුලි බලාගාරවලින් ලබාගන්නා විදුලිබල ප්රමාණය අවම කර ගැනීමට හැකි වනු ඇත.
එක් බැටරි බලශක්ති ගබඩා ව්යාපෘතියකින් මෙගාවොට් 10ක විදුලිබල ධාරිතාවක් ජාතික පද්ධතියට ලබාදීමට හැකිය.
එහි පාලන හා කළමනාකරණ කටයුතු බලශක්ති අමාත්යාංශයට අයත් National System Operator Ltd (NSO) සමාගම විසින් සිදු කිරීමට නියමිතය.
