ඩුබායිහීදී අත්අඩංගුවට ගෙන මෙරටට පිටුවහල් කරන ලද මහා පරිමාණ මත්ද්රව්ය ජාවාරම්කරුවකු බව කියන ශිරාන් බාසික් නැමැත්තා දින 90ක් රඳවාගෙන ප්රශ්න කිරීමට මධ්යම අපරාධ විමර්ශන කාර්යාංශය පියවර ගෙන ඇත.
තමන් ඩුබායිහී පිහිටි සුපිරි වෙළෙඳ සංකීර්ණයක සිටියදී එරට පොලිසිය විසින් තමන්ව පරීක්ෂා කර අනතුරුව දුරකථනය පරීක්ෂා කිරීමේදී එහි තිබී ඉරානය විසින් ඩුබායි රාජ්යයට එල්ල කළ ප්රහාරවල රූපරාමු හමුවීමත් සමග තමන්ව අත්අඩංගුවට ගත් බව, සිදුකළ ප්රශ්න කිරීම්වලදී ඔහු පවසා ඇත.
අනතුරුව ලංකාවට පිටුවහල් කරන තුරුම දිනපතා තමන්ගෙන් ඩුබායි පොලිසියේ නිලධාරීන් ඉරාන සබඳතා පිළිබඳව ප්රශ්න කළ බවත් පසුව ලංකාවට යෑම සඳහා ගුවන් ටිකට්පතක් තමන්ටම මිලදී ගන්නා ලෙසට එරට බලධාරීන් පැවසූ බවද ඔහු පවසා ඇත.
