හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර ඇතුළු විත්තිකාරියන් පිරිසකට අදාළ නඩුකරය අද (17) කොළඹ ප්රධාන මහේස්ත්රාත් අසංග එස්. බෝදරගම ඉදිරියේ කැඳවනු ලැබීය.
2022 වසරේ ජාත්යන්තර කාන්තා දිනය පැවැති අවස්ථාවේදී කොළඹ කුරුඳුවත්ත පොලිස් වසම තුළ මංමාවත් අවහිර කරමින් පොලිස් නිලධාරින්ගේ රාජකාරියට බාධා කිරීමේ චෝදනාවට අදාළවයි.
එහිදී මෙම සිද්ධියට අදාළ විමර්ශන කටයුතු අවසන් කර උපදෙස් ලබාගැනීම සඳහා විමර්ශන ගොනු කර නීතිපතිවරයා වෙත යොමුකර තිබෙන බව විමර්ශන සිදුකරන කුරුඳුවත්ත පොලිසිය අධිකරණයට දැනුම් දුන්නේය.
අනතුරුව මෙම නඩුව ලබන නොවැම්බර් මස (02) වනදා යළි කැඳවීමට නියෝග කළ මහේස්ත්රාත්වරයා එදින එම කටයුතුවල ප්රගතිය දැනුම් දෙන ලෙසද නියෝග කළේය.
