සමාජ මාධ්ය හරහා වීඩියෝ පටයක් හා මාධ්ය සාකච්ඡාවක් පවත්වා අක්කරායන්කුලම් පොලිස් වසමේ පලෙයි රක්ෂිතයේ LTTE පුහුණු කඳවුරක් පවත්වා ගෙන යන බවට තහවුරු නොකරන ලද අසත්ය තොරතුරු ප්රචාරය කිරීම සම්බන්ධයෙන් පුද්ගලයෙක් අත්අඩංගුවට ගෙන ඇත.
මෙම පුද්ගලයා ත්රස්ත මර්දන හා විමර්ශන කොට්ඨාසය විසින් අත්අඩංගුවට ගෙන ඇති අතර අත්අඩංගුවට ගත් එම සැකකරු 46 හැවිරිදි බෙල්ලන්විල, බොරලැස්ගමුව ප්රදේශයේ පදිංචිකරුවෙකි.
අත්අඩංගුවට ගත් සැකකරු අද (19) කොළඹ ප්රධාන මහෙස්ත්රාත් අධිකරණය වෙත ඉදිරිපත් කිරීමට නියමිත අතර මොහු සම්බන්ධයෙන් ලංකා දණ්ඩ නීති සංග්රහය හා පොලිස් ආඥා පනත ප්රකාරව නෛතික ක්රියාමාර්ග ගැනීමට නියමිතව ඇත.
මේ අතර පලෙයි රක්ෂිතයේ LTTE පුහුණු කඳවුරක් ගැන ඇස් උඩ යන ප්රබල හෙළිදරව්වක් යනුවෙන් සමාජ මාධ්ය ඔස්සේ ප්රචාරය වූ පුවත සම්පූර්ණයෙන්ම අසත්ය සහ සාවද්ය තොරතුරක් බව කැබිනට් ප්රකාශක, අමාත්ය නලින්ද ජයතිස්ස සඳහන් කළේය.
අදාළ ප්රදේශයේ කිසිදු ත්රස්තවාදී කඳවුරක් නොමැති අතර සිදුව ඇත්තේ අදාළ රක්ෂිතයට අයත් ඉඩමක කොටසක් පුද්ගලයෙකු විසින් අනවසරයෙන් එළිපෙහෙළි කර ගොඩනැගිල්ලක් ඉදිකිරීම බවද අමාත්ය නලින්ද ජයතිස්ස සඳහන් කළේය.
ඊයේ (18) පැවැති කැබිනට් තීරණ දැනුම්දීමේ ප්රවෘත්ති සාකච්ඡාවේදී අමාත්ය නලින්ද ජයතිස්ස මේ බව සඳහන් කළේය.
