දශක ගණනක් පුරා මෙරට අද්විතීය ගායන මෙහෙවරක නිරත වූ විශාරද නන්දා මාලනි මහත්මියගේ දේහයට අවසන් ගෞරව දැක්වීමට ජනාධිපති අනුර කුමාර දිසානායක එක්විය.
ජනාධිපති අනුර කුමාර දිසානායක, ඇයගේ දේහය තැන්පත් කර ඇති නාවල පිහිටි නිවසට පැමිණීමෙන් අනතුරුව දේහයට අවසන් ගෞරව දැක්වීය.
අවසන් ගෞරව දැක්වීම සඳහා ජනාධිපති අනුර කුමාර දිසානායක සමඟ අමාත්‍ය බිමල් රත්නායක සහ අමාත්‍ය වසන්ත සමරසිංහ එක්ව සිටියේය.
නන්දා මාලිනියගේ දේහයට අවසන් ගෞරව දැක්වීම සඳහා විශාල පිරිසක් මේ වනවිට පැමිණෙමින් සිටින අතර දේහය පිළිබඳ අවසන් කටයුතු අද (22) දින බොරැල්ල පොදු සුසාන භූමියේදී පස්වරු 5.30ට සිදුකිරීමට නියමිතය.