ජනාධිපතිවරණයට ඉදිරිපත් වූ අපේක්ෂයකු ලෙස එවක කාදිනල්තුමා ඇතුළු බහුතරයක් රටේ ජාතික ආරක්ෂාව තහවුරු කරතැයි කියන විශ්වාසය මත ගෝඨාභය රාජපක්ෂව බලයට ගෙන ආ බවත් මේ වනවිට විදෙස් ගවේෂණයක් හරහා පාස්කු ප්‍රහාරයට මුල් වූ මහ මොළකරුවන් සම්බන්ධයෙන් සුවිශේෂි අනාවරණයක් සිදුව ඇති බවද විපක්ෂ නායක සජිත් ප්‍රේමදාස අද (06) පාර්ලිමේන්තුවේදී සදහන් කරයි.
මේ වනවිට රටේ පාලකයන් ඒ සම්බන්ධයෙන් සත්‍ය සෙවීමට කටයුතු නොකිරිම සම්බන්ධව තමා කණගාටු වන බවත් පාස්කු ප්‍රහාරය සම්බන්ධ වගකිව යුතු මහමොලකරුවන් සෙවීම මෙරටදී සිදුකළ නොහැකි බවත් ඒ සදහා ජාත්‍යන්තර පරීක්ෂණයක් අවශ්‍ය බවද විපක්ෂ නායකවරයා සදහන් කරයි.
කාදිනල්තුමා විසින් තමන්ට විරුද්ධව ඡන්දය ලබාදෙන ලෙසට එවක පැවසීම සම්බන්ධයෙන් කණගාටු නොවන බවත් පාස්කු ප්‍රහාරය නිසා ඇති වූ වේදනාවට එසේ සදහන් කළ බවත් එම වේදනාව කතෝලික ප්‍රජාව තුළ අදටත් තිබෙන බවත් කාදිනල්තුමාට මෙන්ම කතෝලික ප්‍රජාවට අපහාස නොකර වහාම මේ සම්බන්ධයෙන් විධිමත් ජාත්‍යන්තර පරීක්ෂණයකට යා යුතු බවද විපක්ෂ නායකවරයා සදහන් කරයි.
රටේ බලය ලබාගැනීමට පාස්කු ප්‍රහාරය යොදා ගත් බවත් එවක මැතිවරණ වේදිකාවල කතානායකවරයා ඇතුලු පොහොට්ටුවේ හැමෝම කතා කල බවත් එසේ කතා කළත් අදටත් යුක්තියක් ඉටු නොවූ බවත් කාදිනල්තුමාටත් කතෝලික ප්‍රජාවටත් අපහාස නොකර සිටින ලෙසද විපක්ෂ නායකවරයා සදහන් කරයි.
