LIVE
රුපියල් මිලියන 10 ක මුදලක් සාවද්‍ය ලෙස පරිහරණය කිරීමේ චෝදනාව සම්බන්ධයෙන් රක්ෂිත බන්ධනාගාරගත කළ හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂ මේ වනවිට වැලිකඩ, මැගසින් බන්ධනාගාරයේ රඳවා ඇත.
ඒ අනුව ශිරන්ති රාජපක්ෂව වැලිකඩ, මැගසින් බන්ධනාගාරයේ කාන්තා අංශයේ ආරක්ෂිත ස්ථානයක, විශේෂ ආරක්ෂාවක් යටතේ රඳවා තබා ඇති බව බන්ධනාගාර මාධ්‍ය ප්‍රකාශක බන්ධනාගාර කොමසාරිස් සේනක පල්ලෙතැන්න සඳහන් කරයි.
අධිකරණයෙන් වරදකරුවන් නොවී සැකකරුවන් ලෙස රක්ෂිත බන්ධනාගාරගත කරන රැදවියන්ට සිය නිවසෙන් රැගෙන ආ ඇදුම් ඇද සිටීමට හැකි අතර ඒ අනුව ශිරන්ති රාජපක්ෂ සිය සාමාන්‍ය ඇදුම් වලින් සැරසී සිටියි.
