බිරිඳ මිය යෑමෙන් පසු තම බාලවයස්කාර වැඩිමහල් දියණිය අඹුකමෙහි තබාගනිමින් ජීවත් වූ පියෙකු ඉංගිරිය පොලීසිය විසින් අත්අඩංගුවට ගෙන තිබේ.
දැනට වසර 6කට පෙර ඔහුගේ විවාහක බිරිඳ මියගොස් ඇති බවත් ඉන් පසු එවකට 17 වන වියේ පසුවූ ඔහුගේ වැඩිමහල් දියණිය මෙම තැනැත්තා විසින් ලිංගික අපයෝජනයට ලක් කර ඇති බවත් ඉන්පසු මේ දක්වා ගතවූ වසර 5ක කාලය පුරාවට වරින් වර අදාළ සැකකරු විසින් එම දියණිය අපයෝජනය කර ඇති බවයි පොලිසිය අනාවරණය කරගෙන ඇත.
එම අපයෝජනයට ලක්ව ඇති දියනියට අමතරව සැකකරුට තවත් දියණියන් දෙදෙනෙකු සිටිනා අතර ඉන් දෙවැනි දියණියවද ඔහු විසින් ලිංගික අතවරයට ලක් කිරීමට උත්සාහ දරා ඇති බවත් එය දැකීමෙන් කම්පනයට පත් වැඩිහල් දියණිය සියදිවි නසා ගැනීමටද උත්සාහා දරා ඇතැයිද පොලීසිය පවසයි.
දෙවන දියණියට අතරවර කිරීමේ සිද්ධිය සම්බන්ධයෙන් අදාල සැකකරුට එරෙහිව අවිස්සාවේල්ල අධිකරණයේ නඩුවක්ද පවතින අතර එම නඩුවටද පෙනී නොසිටිමින් සැකකරු පොලීසිය සහ අධිකරණය මගහරිමින් සිට ඇති බව වාර්තා වේ.
සැකකරුගේ බාලම දියණියක් ආබාධිත තත්ත්වයේ පසුවන අතර ඇය රැක බලා ගැනීමට නොහැකි බව පවසමින් සැකකරු විසින් එම දියණිය ඔහුගේ මියගිය බිරිඳගේ සොහොයුරෙකුගේ නිවසට ගෙනත් දමා ගොස් ඇති බවත් පසුව එම නිවසේ හිමිකරු සැකකරුගේ දියණියන් තිදෙනාද සමගින් ඉංගිරිය පොලීසිය වෙත පැමිණ අදාල සිද්ධිය පවසා තිබෙනවා.
ඒ අනුව ආබාධිත දියණිය වැඩිහිටි ආබාධිත රැකවරණ මධ්යස්ථානයකට බාරදීමට කටයුතු කිරීමට ඉංගිරිය පොලීසිය කටයුතු කර ඇති අතර සිදුකල විමර්ශනයක් අනුව සැකකාර පියා අත්අඩංගුවට ගෙන තිබෙනවා.
කෙසේවෙතත් ඊයේ (16) අත්අඩංගුවට පත්වූ අදාළ සැකකරු දිවයිනේ පොලිස් ස්ථාන කිහිපයකටම අවශ්යව සිටි අපරාධකරුවෙකු බව පොලීසිය පවසයි.