අද (23) දින මධ්යම රාත්රියේ සිට ක්රියාත්මක වන පරිදි ග්රෑම් 450 පාන් ගෙඩියක් ඇතුළු බේකරි නිෂ්පාදන මිල ගණන් ඉහළ නැංවීමට බේකරි හිමියන්ගේ සංගමය තීරණය කර ඇත.
ඉන්ධන මිල ගණන් ඉහළ යාමත් සමග මෙම පියවර ගත් බව බේකරි හිමියන්ගේ සංගමය සඳහන් කරයි.
ඒ අනුව ග්රෑම් 450ක පාන් ගෙඩියක මිල රුපියල් 10කින් ඉහළ දමා ඇති අතර පාන් ගෙඩියක මිල රුපියල් 130ක් දක්වා ඉහළ නංවන බව එම සංගමය සඳහන් කරයි.
තවද අනෙකුත් සියලු බේකරි නිෂ්පාදන මිල ගණන් රුපියල් 10කින් ඉහළ නැංවීමට තීරණය කළ බවද එම සංගමය සඳහන් කරයි.
