හිටපු අමාත්ය බැසිල් රාජපක්ෂ සහ තවත් පිරිසක් අත්අඩංගුවට ගෙන අධිකරණයට ඉදිරිපත් කරන ලෙස කොටුව මහෙස්ත්රාත් පසන් අමරසේන අද (29) අපරාධ පරීක්ෂණ දෙපාර්තමේන්තුවට නියෝග කර ඇත.
2014 වසරේ සංචාරක ප්රවර්ධන කාර්යාංශයේ මිලියන 7.8 ක මුදලක් භාවිතා කර ඌව පළාත් සභා මැතිවරණයට ප්රචාරන කටයුතු කිරීමට අදාළව එවකට හිටපු ඇමති බැසිල් රාජපක්ෂ, එහි සභාපති භාෂ්වර ගුණරත්න, කළමනාකාර අධ්යක්ෂක රූමි ජව්ෆර්, ඇතුළු පිරිස අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්රාත්වරයා අපරාධ පරීක්ෂණ දෙපාර්තමේන්තුවට නියෝග කළේය.
නීතිපති උපදෙස් මත පොදුදේපොළ පනත යටතේ සැකකරුවන් ලෙස නම් කරන බව අද (29) අපරාධ පරික්ෂණ දෙපාර්තමේන්තුව මොසමක් මාර්ගයෙන් කොටුව මහේස්ත්රාත් පසන් අමරසේන හමුවේ දැනුම් දීමෙන් අනතුරුව මහේස්ත්රාත්වරයා මෙම නියෝගය සිදු කළේය.
එම සිද්ධියට අදාළව සැකකරුවන් අත්අඩංගුවට ගැනීම සඳහා ඔවුන් පදිංචිව සිටින ස්ථාන වලට ගිය නමුත් එම ස්ථානවල ඔවුන් නොමැති බව අපරාධ පරීක්ෂණ දෙපාර්තමේන්තුව අධිකරණයට දන්වා සිටියේය.
අනතුරුව සැකකරුවන්ට විදෙස් ගමන් තහනමක් පනවන ලෙස කළ ඉල්ලීම සලකා බැලූ මහේස්ත්රාත්වරයා විදේශ ගමන් තහනම් කරමින් ඒ බව ආගමන හා විගමන පාලකවරයා වෙත දන්වා යවන ලෙසට නියෝග කළේය.