මාතර එළියකන්ද පාර, බ්රවුන්ස් හීල් ප්රදේශයේ පොල් ඉඩමක් මිලදී ගැනීම සම්බන්ධයෙන් වු නඩුවට පෙනී නොසිටීම හේතුවෙන් හිටපු අමාත්ය බැසිල් රාජපක්ෂගේ ඇප මුදල් රාජසන්තක කිරීමට මාතර ප්රධාන මහේස්ත්රාත් චතුර දිසානායක (18) දින නියෝග කළේය.
තවද ඔහුගේ ඇපකරුවන්ගේ ඇප මුදල් අය කර ගැනීමටත්, එම ඇපකරුවන් ඇප මුදල් නොගෙවන්නේ නම් ඔවුන්ට එම මුදල් ගෙවීම දඩයක් ලෙස සලකන බවත් එම දඩ මුදල් නොගෙවන්නේ නම් මාස 06ක සිර දඩුවම් නියම කරන බවද මහේස්ත්රාත්වරයා දැනුම් දුන්නේය.
ඒ අනුව සැකකාර බැසිල් රාජපක්ෂ වෙනුවෙන් රුපියල් ලක්ෂ 10 බැගින් වු ශරීර ඇප තුනට අත්සන් කර සිටි ඇපකරුවන් තිදෙනා අදාල ලක්ෂ 10 බැගින් වු ලක්ෂ 30ක මුදල (18) දිනම අධිකරණය වෙත ගෙවා අවසන් කළේය.
සැකකාර බැසිල් රාජපක්ෂ අත්අඩංගුවට ගැනීම සදහා නිකුත් කර තිබු විවෘත වරෙන්තුව ලබන ඔක්තොම්බර් (27) වැනි දින දක්වා දීර්ඝ කිරීමට ද මහේස්ත්රාත්වරයා නියෝග කළේය.
