රටම එකට ජාතික මෙහෙයුම් සභාවේදී ඇතැම් පාර්ශ්වයන්ගෙන් ජාවාරම්කරුවන්ට මරණ දඬුවම ලබාදිය යුතු බවට යෝජනා ඉදිරිපත් වූ බව කැබිනට් ප්රකාශක අමාත්ය නලින්ද ජයතිස්ස සඳහන් කරයි.
මරණ දඬුවම ලබාදීම යෝජනාව සම්බන්ධව තවම අවසන් නිගමනයක් ගෙන නොමැති බවත් ඒ සම්බන්ධව ඉදිරියේදී තීරණය කරන බවද කැබිනට් ප්රකාශක අමාත්ය නලින්ද ජයතිස්ස සඳහන් කරයි.
අද (11) දින පැවැති කැබිනට් තීරණ දැනුම්දීමේ මාධ්ය හමුවේදී අමාත්ය නලින්ද ජයතිස්ස සඳහන් කළේ,
“මේ ප්රශ්නය ගැන බරපතළකම ගැන සාකච්ඡා කිරීමේදී සමහර පාර්ශ්වයන්ගෙන් ආපු යෝජනාවක්, අදහසක්. එක කෙසේද කරන්නේ කොහොමද කරන්නේ කියන එක ගැන අවසාන නිගමනයක් හෝ එකඟතාවයක් තවම නෑ.
පාතාලය, මත්ද්රව්ය ජාවාරම ඇතුළු මේවාත් එක්ක සිදුවන ක්රියාවලිය පිළිබඳව කතා බහ කිරීමේදී එක එක පාර්ශ්වයන් පිළිබඳව කරන යෝජනාවක් පමණයි.”
