ජාතික නිදහස් පෙරමුණේ කටයුතු සඳහා ජනාධිපති ලේකම් කාර්යාලයට අයත් වාහන ලබාගෙන අවභාවිත කළ බවට එල්ල වී ඇති චෝදනා නඩුවට අදාළව, ඇප මත මුදා හැර සිටි හිටපු පාර්ලිමේන්තු මන්ත්රී ජයන්ත සමරවීර වහාම අත්අඩංගුවට ගෙන අධිකරණයට ඉදිරිපත් කරන ලෙසට කොළඹ කොටුව මහේස්ත්රාත් අධිකරණය වරෙන්තු නිකුත් කර ඇත.
මෙම නඩුව අද (27) දින විවෘත අධිකරණයේ කැඳවනු ලැබූ අවස්ථාවේදී සැකකාර හිටපු මන්ත්රී ජයන්ත සමරවීර උසාවියේ පෙනී නොසිටීම හේතුවෙන් කොළඹ කොටුව මහේස්ත්රාත් පසන් අමරසේන විසින් මෙම නියෝගය නිකුත් කළේය.
මෙම වාහන අවභාවිත කිරීමේ සිද්ධියට සම්බන්ධව දැනට ඇප මත පසුවන ජාතික නිදහස් පෙරමුණේ හිටපු මාධ්ය ප්රකාශක, හිටපු පාර්ලිමේන්තු මන්ත්රී මොහමඩ් මුසම්මිල් සහ සේනාරත්න ද සිල්වා ඇතුළු සෙසු සැකකරුවන් පස්දෙනා අද දින අධිකරණය හමුවේ පෙනී සිටියේය.
මෙම සැකකරුවන්ට එරෙහිව පවරා ඇති නඩුවට අදාළ ඉදිරි පියවර ගැනීම සඳහා මේ වන විටත් කරුණු නීතිපති උපදෙස් වෙත යොමු කර ඇති බව එහිදී අපරාධ පරීක්ෂණ දෙපාර්තමේන්තුව අධිකරණයට ප්රකාශ කළේය.