ලලිත් කුමාර් වීරරාජ් සහ කූගන් මුරුගානන්දන් යන දෙදෙනා පැහැරගෙන ගොස් අතුරුදන් කිරීමේ සිද්ධිය සම්බන්ධයෙන් විභාග වන නඩුවට අදාළව හිටපු ජනාධිපති ගෝඨාභය රාජපක්ෂට මාර්ගගත ක්රමය (Online) ඔස්සේ සාක්ෂි ලබාදෙන ලෙසට යාපනය මහේස්ත්රාත් අධිකරණය අද (07) දින නියෝග කර ඇත.
යාපනය ප්රධාන මහේස්ත්රාත්වරයා හමුවේ මෙම නඩුව අද (07) දින විභාගයට ගත් අවස්තාවේදි මෙම නියෝගය කළේය.
ඒ අනුව, හිටපු ජනාධිපති ගෝඨාභය රාජපක්ෂ ලබන මස (29) වැනිදා කොළඹ ප්රධාන මහේස්ත්රාත් අධිකරණයේ සිට මාර්ගගත සම්බන්ධතාවයක් හරහා යාපනය මහේස්ත්රාත් අධිකරණය වෙත සාක්ෂි ලබාදීමට නියමිතය.
2011 වසරේ දෙසැම්බර් මස (10) වැනිදා යාපනය ප්රදේශයේදී ඔවුන් දෙදෙනා පැහැරගෙන ගොස් අතුරුදන් කිරීමේ සිද්ධිය සම්බන්ධයෙන් මෙම නඩුව විභාග වන අතර ගෝඨාභය රාජපක්ෂ එවකට ආරක්ෂක ලේකම්වරයා ලෙස කටයුතු කළේය.
