පසුගිය 2015 වසරේ දෙමටගොඩ ප්රදේශයේ වෙළඳසැලක සේවය කළ තරුණයෙක් ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තබා පහරදීමේ සිද්ධිය සම්බන්ධව කොළඹ මහාධිකරණය මගින් පනවන ලද දඬුවමට එරෙහිව හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර පෙත්සමක් ගොනු කර තිබුණේය.
අදාළ පෙත්සම කුමාරන් රත්නම් සහ ප්රදීප් හෙට්ටිආරච්චි යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල හමුවේ (06) දින කැඳවනු ලැබුවේය.
එහිදී පෙත්සම්කාර පාර්ශ්වය වෙනුවෙන් පෙනී සිටි ජනාධිපති නීතිඥ ෂවීන්ද්ර ප්රනාන්දු සහ නියෝජ්ය සොලිසිටර් ජනරාල් ජනක බණ්ඩාර ඉදිරිපත් කළ කරුණු සලකා බැලීමෙන් අනතුරුව විනිසුරු මඩුල්ල පෙත්සම් විභාගය සැප්තැම්බර් (23) වනදා තෙක් කල් තැබීමට අභියාචනාධිකරණය (06) නියෝග කළේය.
2024 ජූනි (28) වන දින කොළඹ මහාධිකරණය විසින් මෙම නඩුවට අදාළව ඇයට බරපතළ වැඩ සහිත වසර තුනක සිරදඬුවමක් සහ රුපියල් 20,000ක දඩයක් නියම කළේය.
