මාර්ග ආරක්ෂාව පිළිබද ජාතික සභාවේ (National Council for Road Safety) සංවිධායකත්වයෙන් හේලීස් ඇඩ්වාන්ටීස් සමාගම (Hayleys Advantis Ltd.) විසින් 100 for 100 – ජාතික ආයතනික යතුරු පැදි ධාවන සුරක්ෂිතතා වැඩසටහන නිල වශයෙන් ආරම්භ කළේය.
මාර්ග ආරක්ෂණ ජාතික වැඩසටහනට පෞද්ගලික අංශයේ දායකත්වය ලබා ගනිමින් දීප ව්යාප්තව ක්රියාත්මක කිරීමට ප්රවාහන, මහාමාර්ග සහ නාගරික සංවර්ධන අමාත්යංශ සැලසුම් කර ඇත.
රාජ්ය හා පෞද්ගලික ආයතන සහභාගිත්වයෙන් ක්රියාත්මක මෙම ජාතික වැඩසටහන සඳහා පෞද්ගලික ආයතන 100ක් සම්බන්ධ කර ගනිමින් ඉන් එක් එක් ආයතන මගින් යතුරු පැදි ධාවකයින් 100 දෙනෙකු ඊට දායක කරගැනේ.
සුරක්ෂිත රිය ධාවනයට දැනුම ලබාදීම සහ ඊට අදාල සුරක්ෂිතතා සහාය සැපයීම සඳහා සේවා ස්ථාන, භාණ්ඩ බෙදාහැරීමේ ජාල සහ ආයතනික ප්රජාවන් යොදාගැනීම මගින් යතුරුපැදි ධාවකයින්ට පොදු සම්බන්ධතා මධ්යස්ථානයක් නොමැතිකමින් පැන නැගී ඇති ගැටළුවලට මෙම වැඩසටහන මගින් විසඳුම් සැපයීම සිදුකරයි.
100 for 100 යනු යතුරුපැදි ධාවකයින්ගේ සුරක්ෂිතතාව පිළිබඳ ජාතික ව්යාපාරයක් වන අතර සමාගම්, ආයතන, භාණ්ඩ බෙදාහැරීමේ ව්යාපාර 100 ක් සම්බන්ධ කරගනිමින් එක් එක් ආයතනය මගින් යතුරුපැදි ධාවකයින් 100 දෙනෙකු මෙම වැඩසටහනට දායක කරගැනේ.
සුරක්ෂිත ධාවන පුහුණුව සහ ඊට අදාල සුරක්ෂිතතා ක්රියාමාර්ග හරහා ධාවකයින් 10,000ක් වෙත ළඟාවීමටත් මාර්ග ආරක්ෂාව පිළිබඳ පුළුල් වගකීම් සහගත සංස්කෘතියක් ගොඩනැගීමටත් මෙම වැඩසටහන මගින් සැලසුම් කර ඇත.
