59 වැනි වරටත් පැවැත්වෙන ජාතික අලුත් සහල් මංගල්යය අප්රේල් (08) සහ (09) දෙදින තුළ ජය ශ්රී මහා බෝධිය අබියසදී පැවැත්වීමට සැලසුම් කර ඇත.
අප්රේල් (09) වනදා උදෑසන 8.00ට ජනාධිපති අනුර කුමාර දිසානායකගේ ප්රධානත්වයෙන් මංගල්යයේ ප්රධාන කටයුතු පැවැත්වීමට නියමිතය.
අප්රේල් (08) වනදා අළුයම සතර වාහල්කඩ කිරි ඉතිරවීමෙන් මංගල්යයේ ආගමික කටයුතු ආරම්භ වන අතර ඉන් අනතුරුව බෝධි පූජා සහ මල් පූජා පැවැත්වෙන අතර එදින උදෑසන 6.00 සිට සවස 5.00 දක්වා හේවිසි පූජාව අඛණ්ඩව පැවැත්වීමට නියමිතය.
අප්රේල් (09) වනදා උදෑසන අලුත් සහල් පාත්ර රැගත් පෙරහැර ආරම්භ වන අතර එය ජය ශ්රී මහා බෝධිය නැගෙනහිර රථ ගාල අසලින් ගමන් ආරම්භ කරයි.
පෙරහරින් රැගෙන යන සහල් බෝධින් වහන්සේ අසල තැන්පත් කර ඇති මහා පාත්රයට පිරවීමෙන් අනතුරුව ආගමික වතාවත් සිදු කෙරේ.
මෙම උත්සවය අටමස්ථානාධිපති, නුවර කලාවියේ ප්රධාන සංඝනායක පූජ්ය පල්ලේගම හේමරතන නායක හිමි ඇතුළු මහා සංඝරත්නයේ අනුශාසකත්වයෙන් පැවැත්වේ.