ඉහළ ගිය ආසියානු වෙළෙඳපොළේ තෙල් මිල

අද (17) පෙරවරුවේ වන විට ආසියානු වෙළෙඳපොළේ බ්‍රෙන්ට් වර්ගයේ බොරතෙල් මිල 2.8%කින් ඉහළ ගොස් බැරලයක් ඩොලර් 103.08ක් ලෙස වාර්තා වී ඇත.

තවද අමෙරිකානු බොරතෙල් මිල 3%කින් පමණ ඉහළ ගොස් බැරලයක් ඩොලර් 96.25ක් ලෙස සටහන්ව ඇති බව වාර්තා වේ.

මේ අතර ගල්ෆ් කලාපයේ තෙල් මත යැපෙන ජපානය සහ දකුණු කොරියාව ඇතුළු ආසියානු කොටස් වෙළෙඳපොළ දර්ශක අද සුළු වශයෙන් ඉහළ අගයකින් ආරම්භ වී ඇත.