මේ වනවිට ත්රස්තවාදය වැළැක්වීමේ පනත යටතේ අත්අඩංගුවට ගෙන සිටින හිටපු රාජ්ය අමාත්ය සිවනේසතුරෙයි චන්ද්රකාන්තන් හෙවත් පිල්ලයාන් අද (24) ඔන්ලයින් ක්රමවේදය හරහා මඩකලපුව අධිකරණයට ඉදිරිපත් කළේය.
2008 වසරේදී මඩකලපුව දිස්ත්රික්කයේ ප්රදේශ කිහිපයක සිදුවූ මිනීමැරුම් පහක් සම්බන්ධව අපරාධ පරීක්ෂණ දෙපාර්තමේන්තුව විසින් අධිකරණය හමුවේ සිවනේසතුරෙයි චන්ද්රකාන්තන් හෙවත් පිල්ලයාන් ඇතුළු පුද්ගලයින් කිහිප දෙනෙකුට එරෙහිව නඩු පවරා ඇත.
ඒ අනුව කල්ලඩි හී සිදුවූ ඝාතන 5 සම්බන්ධව ගොනුකර ඇති චෝදනා තුනක් සහ මෙම නඩුව සම්බන්ධයෙන් ගොනුකර ඇති එක් චෝදනාවක් සම්බන්ධයෙන් අධිකරණ විභාගය අද පැවැත්විණි.
එහිදී කරුණු සලකා බැලූ මහේස්ත්රාත්වරිය හිටපු රාජ්ය අමාත්ය සිවනේසතුරෙයි චන්ද්රකාන්තන් හෙවත් පිල්ලයාන් එළැඹෙන මස (04) වැනිදා දක්වා රක්ෂිත බන්ධනාගාර ගත කරන ලෙස නියෝග කර ඇත.
2008 වසරේදී T-56 ගිනිඅවි යොදාගෙන සිදු කරන ලද ඝාතන කිහිපයක් සම්බන්ධයෙන් අනාවරණය වූ තොරතුරු මත මෙම නඩු පවරා ඇති අතර චන්ද්රකාන්තන් හෙවත් පිල්ලෙයාන් නමැත්තා පහත සඳහන් සිදුවීම්වලට සෘජුවම සම්බන්ධ සැකකරුවෙකු ලෙස හඳුනාගෙන ඇත
*2008 ජනවාරි (09) මඩකලපුව කල්ලඩි මුරුගන් කෝවිල අසලදී හිටපු පොලිස් නිලධාරියෙකු ඇතුළු දෙදෙනෙකුට වෙඩි තබා ඝාතනය කිරීම.
*2008 මැයි (22) කාත්තන්කුඩි ප්රධාන මාර්ගයේදී පුද්ගලයන් දෙදෙනෙකුට වෙඩි තබා ඝාතනය කිරීම.
*2008 අගෝස්තු (20) වවුනතීව්, කොතියපුල ප්රදේශයේදී සන්නද්ධ කණ්ඩායමක් විසින් රාත්රී කාලයේදී තවත් පුද්ගලයෙකුට වෙඩි තබා ඝාතනය කිරීම.
