ජාතික පොලිස් කොමිෂන් සභාව පවත්වාගෙන යන බණ්ඩාරනායක සම්මන්ත්රණ ශාලාවේ ගොඩනැගිල්ල සහ අනෙකුත් ගොඩනැගිල්ලට පසුගිය 2025 වසරේදී රුපියල් හය කෝටි හැත්තෑ ලක්ෂයකට වැඩි මුදලක් වැය කර ඇති බව ජාතික විගණන කාර්යාලය නිකුත් කළ වාර්තාවක සඳහන් වේ.
රුපියල් හය කෝටි හැත්තෑ ලක්ෂයකට වැඩි මුදලක් වැය කිරීම ආර්ථික වශයෙන් ඵලදායී නොවන වියදමක් බවත් මෙම කුලී මුදල වර්ෂයේ මුළු අය බාර වියදමෙන් සියයට තිහක පමණ ප්රතිශතයක් බවද ජාතික විගණන කාර්යාලය නිකුත් කළ වාර්තාවක සඳහන් වේ.
ජාතික පොලිස් කොමිෂන් සභාව ආරම්භයේ සිටම කුලී පදනම මත කොළඹ බණ්ඩාරනායක සම්මන්ත්රණ ශාලා පරිශ්රයේ බණ්ඩාරනායක ජාතික අනුස්මරණ පදනමේ ගොඩනැගිල්ලක වාර්ෂිකව ගිවිසුම්වලට එළඹෙමින් පවත්වාගෙන යයි.
පසුගිය 2025 වසරේ ගිවිසුම අනුව කොමිෂන් සභා කාර්යාලය පවත්වාගෙන යන ගොඩනැගිල්ල සහ අනිකුත් ගොඩනැගිල්ලට මාසයකට රුපියල් පනස් හත් ලක්ෂ එකසිය හැට දෙකක මුදලක් ගෙවා ඇති බවද ජාතික විගණන කාර්යාලය සඳහන් කරයි.
