මෑත කාලයේ බන්ධනාගාර ආශ්රිතව වාර්තා වූ සිදුවීම් යම් සැලැස්මකට අනුව සිදුවන බවට කරුණු අනාවරණය වී ඇති බව මහජන ආරක්ෂක අමාත්ය ආනන්ද විජේපාල සඳහන් කරයි.
එම බන්ධනාගාර සිදුවීම් සම්බන්ධයෙන් මේ වනවිට පරීක්ෂණ සිදු කරමින් පවතින බවත් ඒ පිළිබඳව අවශ්ය ක්රියාමාර්ග ගැනීමට කටයුතු කරන බවද අමාත්ය ආනන්ද විජේපාල සඳහන් කරයි.
බන්ධනාගාර ආරක්ෂාව තහවුරු කිරීම සහ එවැනි තත්ත්වයන් යළි ඇතිවීම වැළැක්වීම සඳහා අවශ්ය පියවර ගන්නා බවද අමාත්ය ආනන්ද විජේපාල සඳහන් කරයි.
අද (07) දින අමාත්ය ආනන්ද විජේපාල පාර්ලිමේන්තුවේදී සඳහන් කළේ,
“මීගමුව බන්ධනාගාරයෙන් ආරම්භ වූ මේ බන්ධනාගාර ගැටුම් මේ වනවිට පල්ලන්සේන දක්වා ක්රමිකව වර්ධනය වෙලා තියෙනවා. මේ පිළිබඳව ලැබුණු බුද්ධි තොරතුරු වගේම මේ දක්වා කරන ලද විමර්ශන දෙස බලපුවාම අපිට සැකයක් නිර්මාණය වෙලා තියෙනවා.
මෙය කුමන්ත්රණකාරී සහ කඩාකප්පල්කාරී ක්රියාවක ප්රතිපලයක් ද කියන එක. නමුත් මේ සිද්ධි වල ආසන්නතම ප්රතිපල හැටියට, ආසන්නතම හේතු හැටියට හඳුනාගෙන තියෙන්නේ මත්ද්රව්ය සහ පාතාල ක්රියාකාරකම්.”
