විපක්ෂයේ දේශපාලන පක්ෂ නායකයින්ගේ අත්සනින් යුතුව ජාත්යන්තර සංවිධාන වෙත ලිපියක් යොමුකර ඇත.
නීතිඥවරුන්, වෘත්තිකයින්, මාධ්ය හිමිකරුවන් සහ මාධ්යවේදීන්ට එල්ල වන බලපෑම්ව ලට එරෙහිව මෙම ලිපිය යොමුකර ඇති අතර එමගින් පෙන්වා දෙන්නේ පොලිස්පතිවරයා සහ පොලිසිය දැඩි දේශපාලනීකරණයකට ලක්ව ඇති බවයි.
ජාත්යන්තර නීති සංගමය, පොදු රාජ්ය මණ්ඩල නීති සංගමය, තරුණ නීතිඥයින්ගේ ජාත්යන්තර සංගමය, අම්නෙස්ට් ජාත්යන්තරය, හියුමන් රයිට්ස් වොච් සහ මානව හිමිකම් පිළිබඳ ජාත්යන්තර සම්මේලනය ඇතුළු සංවිධාන කිහිපයකට මෙම ලිපිය යොමුකර ඇත.
මෙම ලිපිය සඳහා විපක්ෂයේ දේශපාලන කණ්ඩායම් රැසක නායකයින් අත්සන් තබා ඇති අතර එක්සත් ජාතික පක්ෂ නායක හිටපු ජනාධිපති රනිල් වික්රමසිංහ, සමගි ජන බලවේගයේ නායක විපක්ෂ නායක සජිත් ප්රේමදාස, සර්වජන බලය නායක පාර්ලිමේන්තු මන්ත්රී දිලිත් ජයවීර, ශ්රී ලංකා පොදුජන පෙරමුණේ නායක පාර්ලිමේන්තු මන්ත්රී නාමල් රාජපක්ෂ ඇතුළු පිරිසක් වෙයි.
යෝජිත ත්රස්ත විරෝධි පනත මගින් ඉහළ යන ජනතා අතෘප්තිය මර්දනය කිරීමට උත්සාහ දරන බවද, ඒ හරහා සිවිල් හා දේශපාලන අයිතිවාසිකම් පිළිබඳ ජාත්යන්තර සම්මුතිය උල්ලංඝනය වන බවද මෙම ලිපියෙන් අවධාරණය කර ඇත.
එනිසා සියලු ජාත්යන්තර වෘත්තීය සංවිධාන මෙම තත්ත්වය පිළිබඳ දැනුවත් කරන බවත් සුදුසු මැදිහත්වීමක් කරන ලෙසත් විපක්ෂයේ පක්ෂ නායකයින් ජාත්යන්තර සංවිධාන වලින් ඉල්ලා ඇත.