එක්සත් ජාතික පක්ෂයේ සහ සමගි ජන බලවේගයේ නායකයින්ට හා සාමාජිකයින්ට දේශපාලනිකව පැවැත්මක් තහවුරු කරගැනීමට නම්, දෙපාර්ශවයම වහාම එක් විය යුතු බව පාර්ලිමේන්තු මන්ත්රී රවී කරුණානායක සඳහන් කරයි.
එහෙත් වත්මන් නායකත්වය යටතේ පක්ෂ දෙකම ඉතා ඉක්මනින් එකම පෙරමුණකට පැමිණෙනු ඇති බවත් ඉන් අනතුරුව දැවැන්ත ශක්තියකින් යුතුව ඉදිරියට යාමට හැකිවනු ඇති බවද මන්ත්රී රවී කරුණානායක සඳහන් කරයි.
එක්සත් ජාතික පක්ෂයේ කෘත්යාධිකාරී මණ්ඩලය වෙත භූතයන්ගේ පුත්තු රිංගා ඇති බවත් පක්ෂයේ වසර ගණනාවක් රැඳී සිටි ජ්යෙෂ්ඨ සාමාජිකයින් පසෙකලා මෙම භූත පුතුන් රිංගා ගෙන තිබෙන බවද මන්ත්රී රවී කරුණානායක සඳහන් කරයි.
කොළඹදී පැවති මාධ්ය හමුවකදී මන්ත්රී රවී කරුණානායක මේ බව සඳහන් කරයි.
“මට මේක ඉවසන්න බැරිවුණා. මේ භූතයන්ගේ පුත්තු ඉන්නවා කෘත්යාධිකාරී මණ්ඩලයේ. අවුරුදු 30ක් පාර්ලිමේන්තුවේ ඉන්න අපට මේකේ අවස්ථාව ලබා දෙන්නෙත් නැත්තේ ඒගොල්ලෝ. මේ මොන විහිලුවක්ද.”