අද මධ්‍යම රාත්‍රියේ සිට රයිස් – කොත්තු මිල ඉහළ⁣ට

අද (31) දින මධ්‍යම රාත්‍රියේ සිට ෆ්‍රයිඩ් රයිස් සහ කොත්තු මිල ගණන් ඉහළ දැමීමට ආපනශාලා හිමියන්ගේ සංගමය තීරණය කර ඇත.

ඒ අනුව ෆ්‍රයිඩ් රයිස් සහ කොත්තු මිල රුපියල් 30කින් ඉහළ දමා ඇති බව ආපනශාලා හිමියන්ගේ සංගමයේ සභාපති හර්ෂණ රුක්ෂාන් සඳහන් කරයි.

තවද කෙටි කෑම මිල රුපියල් 10කින් ඉහළ දමා ඇති බවත් ප්ලේන්ටියක් සහ කිරි තේ එකක මිල රුපියල් 5කින් ඉහළ දමා ඇති බවද සභාපති හර්ෂණ රුක්ෂාන් සඳහන් කරයි.

අප්‍රේල් මස (01) වෙනිදා සිට විදුලි බිල ඉහළ යෑම හේතුවෙන් මෙලෙස ආහාර ද්‍රව්‍ය මිල ගණන් ඉහළ දැමීමට සිදුවන බවද සභාපති හර්ෂණ රුක්ෂාන් සඳහන් කරයි.