නවතම ‘හෙන්ලි ගමන් බලපත්ර දර්ශකයට’ අනුව, ශ්රී ලංකා ගමන් බලපත්රය 2025 වසරේ අගභාගයේ පැවති ස්ථානයට වඩා ස්ථාන දෙකක් ඉදිරියට පැමිණ ඇති අතර එය ලෝක මට්ටමින් ශ්රී ලංකා ගමන් බලපත්රයට හිමි පිළිගැනීම නැවතත් වර්ධනය වීමේ සුබවාදී ප්රවණතාවකි.
2026 ජූලි මාසයේ ප්රකාශිත නවතම ‘හෙන්ලි ගමන් බලපත්ර දර්ශකයට’ අනුව ශ්රී ලංකාව ලෝකයෙන්ම 94 වන ස්ථානය දක්වා ඉදිරියට පැමිණ ඇති අතර 2025 වසරේ අගභාගයේදී ශ්රී ලංකාව 96 වන ස්ථානයේ පසුවිය.
ගෝලීය වශයෙන් ශ්රී ලාංකිකයන්ගේ ගමන් බිමන් පහසු වීම සහ ජාත්යන්තර සබඳතා තවදුරටත් ශක්තිමත් වීම උදෙසා මෙය ඉතා දිරිගන්වන සුලු සලකුණක් වුවද වර්තමානය වනවිට ශ්රී ලංකා ගමන් බලපත්රයේ එම ගමන, නව පිබිදීමක සලකුණු පෙන්නුම් කරයි.
සාම්ප්රදායික ක්රමයට කළින් වීසා ලබාගැනීමකින් තොරව, එනම් වීසා රහිතව පැමිණීමේදී ලබාගන්නා වීසා හෙවත් Visa-on-arrival හෝ විද්යුත් ගමන් බලපත්ර අනුමැතීන් හරහා ශ්රී ලාංකිකයන්ට මේ වනවිට ගමනාන්ත 39ක් වෙත ගමන් කිරීමේ පහසුකම හිමිව ඇත.
පසුගිය මැයි මාසයේ සිට රටවල් 39ක සංචාරකයන්ට දින 30ක නොමිලේ විද්යුත් ගමන් අනුමැතිය ලබාගැනීමට පහසුකම් සලසා දී ඇති අතර එමඟින් පවතින බාධා අවම වී ශ්රී ලංකාව වඩාත් තරගකාරී සංචාරක ගමනාන්තයක් බවට පත්ව ඇත.
රාජ්යතාන්ත්රික සබඳතා පවත්වා ගැනීම, ජාත්යන්තර මට්ටමින් මිත්රත්වයන් ශක්තිමත් කරගැනීම සහ ලෝකය සමග වඩාත් සමීපව කටයුතු කිරීමේ වැදගත්කම යළි යළිත් තහවුරු කරමින් ශ්රී ලංකාව ලබා ඇති මෙම ප්රගතිය ඉතා වැදගත් සන්ධිස්ථානයකි.
ඒ අනුව පසුගිය 2025 වසර තුළ යම් පසුබෑමකට ලක්ව තිබූ ශ්රී ලංකාවේ ගමන් බලපත්ර ශ්රේණිගත කිරීම, මේ වනවිට ස්ථාවර මට්ටමකට පැමිණ නැවතත් ඉදිරියට ගමන් කිරීමට පටන්ගෙන ඇත.
