විවිධ හේතූන් මත පොලිස් නිලධාරීන් 4,308 දෙනෙකු සේවයෙන් ඉවත්ව ගොස් ඇති බව පොලිස් මූලස්ථානය සඳහන් කරයි.
නිලධාරීන් 3,936 දෙනෙකු සහ නිලධාරිනියන් 372 දෙනෙකු පසුගිය 2020 වසරේ සිට මෙම වසරේ ජූනි (24) දක්වා වූ වසර 7කට ආසන්න කාලසීමාව තුළ එලෙස ඉවත්ව ඇත.
පසුගිය 2025 වසරේදී ඉන් වැඩිම පිරිසක් ඉවත් වී ඇති අතර එම වසරේ පමණක් නිලධාරීන් 838ක් හා නිලධාරිනියන් 49ක් ලෙස 887ක පිරිසක් ඉවත්ව ඇත.
මෙම වසරේ පළමු මාස 6ක කාලය තුළ නිලධාරීන් 699ක් හා නිලධාරිනියන් 59ක් ලෙස සමස්ත නිලධාරීන් 758ක පිරිසක් ඉවත්වී ඇති බවද සඳහන් කරයි.
සිය සේවා කාලය අවසන් වීමට පෙර විශ්රාම ගැනීම, විදේශ රැකියා සඳහා පිටත්ව යාම ඇතුළු විවිධ පෞද්ගලික හේතු මීට ප්රධාන වශයෙන් බලපා ඇත.
මේ අතර පොලිස් නියෝගයන්ට පටහැනි විවිධ විනය විරෝධී ක්රියා හේතුවෙන් නිලධාරීන් 658 දෙනෙකු සේවයෙන් ඉවත් කිරීමට පියවර ගෙන ඇති බව පොලිස් මූලස්ථානය සඳහන් කරයි.
