කාලගුණ විද්යා දෙපාර්තමේන්තුව විසින් අනතුරු ඇඟවීමේ නිවේදනයක් නිකුත් කර ඇත.
ඒ අනුව මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 60 වඩා වැඩි වන අතර එම මුහුදු ප්රදේශ විටින් විට ඉතා රළු වේ.
එනිසා මෙම මුහුදු ප්රදේශයට නැවත දැනුම් දෙනතුරු යාත්රා නොකරන ලෙස නාවික සහ ධීවර ප්රජාවන්ට කාලගුණ විද්යා දෙපාර්තමේන්තුව දැනුම් දෙයි.
මඩකලපුව, ත්රිකුණාමලය, කන්කසන්තුරය, මන්නාරම හරහා හලාවත දක්වා සහ ගාල්ල සිට මාතර දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50 දක්වා වැඩි වනු ඇති බවද සඳහන් කරයි.
මුහුදු ප්රදේශවල ගිගුරුම් සහිත වැසි ඇති වන අවස්ථා වලදීත් තාවකාලිකව තද සුළං ඇති විය හැකි අතර ඒ අවස්ථාවලදී එම මුහුදු ප්රදේශ තාවකාලිකව ඉතා රළු වීමේ හැකියාවක් පවතින බවද සඳහන් කරයි.
එනිසා මෙම මුහුදු ප්රදේශවල ධීවර සහ නාවික කටයුතු වල යෙදෙන ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙස කාලගුණ විද්යා දෙපාර්තමේන්තුව ඉල්ලා සිටියි.
